වෘත්තීය සමිති අද සිට 13 දක්වා සිදුකරන්න යන දේ
රටේ පවතින වත්මන් තත්ත්වයට හදිසි නීතිය කිසිසේත්ම පිළිතුරක් නොවන බවත් එය මහජනතාව බිය වැද්දවීමට දරන උත්සාහයක් පමණක් බවත් වෘත්තිය සමිති සම්බන්ධීකරණ මධ්‍යස්ථානයේ සම කැඳවුම්කරු රවී කුමුදේශ් පැවසීය.
එම නිසා තවදුරටත් ගන්නා වූ මෙවැනි උද්ධච්ච තීන්දුවලට එරෙහිව සහ වත්මන් පාලනයට ඉල්ලා අස්වෙන ලෙස බලකරමින් අද (09 වැනිදා) සිට මෙම 13 වැනිදා දක්වා අඛණ්ඩ විරෝධතා සතියක් ප්‍රකාශයට පත් කළ බව ද හෙතෙම කීවේය.
රටේ හදිසි අවස්ථා තත්ත්වයක් පැවතීම හේතු කර ගනිමින් මහජන ආරක්ෂාව සහ රටේ යථා පැවැත්ම සුරක්ෂිත කිරීම මෙන්ම මහජන ජීවිතයට අත්‍යවශ්‍ය සැපයීම් හා සේවා පවත්වාගැනීම සඳහා හදිසි නීතිය කිසිසේත්ම අනුකූල නොවන බවද ඔහු පැවසීය.
(Aruna)