ශ්‍රී ලංකා කණ්ඩායමේ ආරම්භක පිතිකරු පැතුම් නිස්සංක නවතම 20 යි 20 පිතිකරු ශ්‍රේණිගත කිරීම්වලට අනුව ලොව මුල් පිතිකරුවන් 10 දෙනා අතරට පැමිණ තිබෙනවා. ඒ, නවතම ශ්‍රේණිගත කිරීම්වලට අනුව 20 යි 20 පිතිකරු ලැයිස්තුවේ 09 වන ස්ථානය හිමිකර ගනිමින්.
මීට පෙර සිදු කෙරුණු 20 යි 20 ශ්‍රේණිගත කිරීම්වල පැතුම් නිස්සංකට හිමිව තිබුණේ 20 යි 20 ශ්‍රේණිගත කිරීම්වල 15 වන ස්ථානයයි. ඒ අනුව නවතම ශ්‍රේණිගත කිරීම්වලදී 20 යි 20 පිතිකරු ලැයිස්තුවේ ස්ථාන 06 ක් ඉදිරියට පැමිණීමට ඔහු සමත්ව තිබෙනවා.
මෙලෙස ශ්‍රී ලංකා ක්‍රීඩකයෙකු 20 යි 20 ශ්‍රේණිගත කිරීම්වල පිතිකරු ලැයිස්තුවේ මුල් 10 දෙනා අතරට තේරීපත් වුණේ වසර 06 කට පසුව වීම විශේෂත්වයක්. අවසන් වරට එවැනි දස්කමක් දැක්වූ ශ්‍රී ලංකා පිතිකරුවා වන්නේ කුසල් ජනිත් පෙරේරායි.
(Neth)