අදත් දිවයිනේ ඇතැම් ප්‍රදේශවලට විදුලිය විසන්ධි විය හැකි බව ලංකා විදුලි බල මණ්ඩලය පවසනවා.
විදුලි බලාගාර පද්ධති බිදවැටීම් හෝ දෛනික විදුලි අවශ්‍යතාව සපුරා ගැනීමේ නොහැකි වීම හේතුවෙන් මෙලෙස විදුලිය බිඳ වැටීම සිදුවිය හැකි බවයි එම මණ්ඩලය ප්‍රකාශ කළේ.
මේ අතර කොළඹ නගරයේ ප්‍රදේශ රැසක ඊයේ (06) හදිසි විදුලි බිඳ වැටීමක් සිදු වූ බව විදුලි පාරිභෝගිකයින් සඳහන් කර සිටියා.
ලංකා විදුලිබල මණ්ඩලය සඳහන් කළේ කැලණිතිස්ස විදුලිබලාගාරයේ ජනන යන්ත්‍රයක ඇතිවූ කාර්මික දෝෂයක් හේතුවෙන් මෙම හදිසි විදුලි බිඳ වැටීම සිදු වූ බවයි.
(Neth)