වියට්ජෙට් (VietJet) ගුවන් සේවයේ හෝචිමින් නගරයේ සිට කොළඹ දක්වා වූ ප්රථම සෘජු ගුවන් යානය බණ්ඩාරනායක ජාත්යන්තර ගුවන් තොටුපළ වෙත ළඟාවීමත් සමඟ, ශ්රී ලංකාව ඊයේ (18) ගුවන් සේවා සහ සංචාරක සහයෝගීතාවයේ සන්ධිස්ථානයක් සනිටුහන් කෙරිනි.
වියට්ජෙට් ගුවන් සේවයේ ශ්රී ලංකා ප්රවේශය ගිනිකොනදිග ආසියාව වෙත දොරටුවක් විවර කරන අතර, එය සබඳතා ශක්තිමත් කිරීමට, අපගේ සංචාරක ක්ෂේත්රය විවිධාංගීකරණය කිරීමට සහ දෙරට අතර ජනතාව අතර පවතින සබඳතා තවදුරටත් තහවුරු කිරීමට හේතු වේ. කොළඹ සහ හෝචිමින් නගරය යා කරමින් සතියකට ගුවන් වාර තුනක් ක්රියාත්මක වන බැවින්, සංචාරක, වෙළඳ සහ සංස්කෘතික හුවමාරුව සඳහා වැඩිදියුණු වූ අවස්ථාවන් උදාවනු ඇතැයි අපේක්ෂා කෙරේ.
මෙම ඓතිහාසික අවස්ථාව සඳහා වරාය, සිවිල් ගුවන් සේවා සහ බලශක්ති අමාත්ය අනුර කරුණාතිලක මහතා, වරාය සහ සිවිල් ගුවන් සේවා නියෝජ්ය අමාත්ය ජනිත රුවන් කොඩිතුවක්කු මහතා සහ ශ්රී ලංකාවේ වියට්නාම තානාපතිනි Trinh Thi Tam මහත්මිය සහභාගී වූහ.