උසස් අධ්යාපනය සඳහා විදේශගත වන සිසුන් හේතුවෙන් වාර්ෂිකව ඇමරිකානු ඩොලර් මිලියන සිය ගණනක් රටින් පිටතට ගලායන බව අග්රමාත්ය මහින්ද රාජපක්ෂ මහතා පවසනවා. කොතලාවල ආරක්ෂක විශ්වවිද්යාලය වැනි ජාත්යන්තර මට්ටමේ විශ්වවිද්යාල පිහිටුවීමට කටයුතු කළේ රටින් පිටතට ගලායන මුදල් ආරක්ෂා කර ගැනීම සඳහා බවත්, මේ වනවිට එම උත්සාහය යථාර්ථයක් බවට පත්ව ඇති බවත් රාජපක්ෂ මහතා පවසනවා.
අද පස්වරුවේ කිසිදු ප්රදේශයක විදුලි කප්පාදුවක් සිදුනොකරන බව විදුලිබල අමාත්යාංශය පවසනවා.
ඉදිරි මාස හය සදහා රටට අවශ්ය ඖෂධ පිළිබඳ පුර්ණ වාර්තාවක් අද (12) දින ලබාදෙන ලෙස සෞඛ්ය අමාත්ය ආචාර්ය කෙහෙලිය රඹුක්වැල්ල මහතා සෞඛ්ය ක්ෂේත්රයේ අදාළ නිලධාරීන්ට උපදෙස් ලබා දුන්නේය.
මෙරට එන්නත්කරණ වැඩසටහනේ තවත් සුවිශේෂී අවස්ථාවක් අද ආරම්භ වනවා. ඒ, වයස අවුරුදු 12 ට වැඩි සියලු පාසැල් දරුවන්ට කොවිඩ් මර්දන එන්නත් ලබාදීම ආරම්භ කරමින්. අද සිට පළමු අදියරේදී එන්නත්කිරීම් සිදුවන්නේ කොළඹ මහා නගරසභා සීමාව තුළ පිහිටි පාසැල්වලයි.
මෙරට ආර්ථික තත්ත්වය සම්බන්ධයෙන් ශ්රී ලංකා මහ බැංකුවේ අධිපති අජිත් නිවාඩ් කබ්රාල් අද විශේෂ පැහැදිලි කිරීමක් සිදුකිරීමට නියමිතයි. ඒ අනුව මේ වසරේ ශ්රී ලංකා ආර්ථිකය මුහුණ දෙන කෙටි කාලීන හා දිගු කාලීන අභියෝග මෙන්ම ඒවායේ විසදුම් කවරේදැයි මෙහිදී පැහැදිලි කරනු ඇති.
සහල් මෙට්රික් ටොන් ලක්ෂ 03 ක් විදෙස් රටවලින් ආනයනය කිරීම සඳහා කැබිනට් මණ්ඩලය අනුමැතිය ලබා දී තිබෙනවා. ඊට අදාල කැබිනට් පත්රිකාව ඉදිරිපත් කර තිබෙන්නේ වෙළඳ අමාත්ය බන්දුල ගුණවර්ධන මහතා විසිනි.
ජනවාරි මස 22 වෙනිදා ජාත්යන්තර ස්වෛරී බැඳුම්කරයන් කල් පිරීමේදී එය පියවීමට රජයට හැකියාවක් නොමැති බවට ඇතැම් පුද්ගලයින් ප්රකාශ කළ බවත් එම මුදල් පියවීමට සුදානම් වන විට එය නොගෙවෙන ලෙස ඉල්ලා සිටිමින් සිටින බව මහ බැංකු අධිපති අජිත් නිවාඩ් කබ්රාල් ප්රකාශ කර සිටිනවා.
මේ වන විට පවතින ගෑස් අර්බුදය තවත් සතියකින් පමණ අවසන් වනු ඇතැයි සම කැබිනට් ප්රකාශක අමාත්ය රමේෂ් පතිරණ අද පැවසුවා.
Page 193 of 598