State
තෙල් නිෂ්පාදනය කරන රටවල්වල පිහිටි සමාගම්වලට මෙරටට ඉන්ධන ආනයනය කිරීමට සහ අලෙවි කිරීම සඳහා කැබිනට් මණ්ඩලයට ඉදිරිපත් කරනු ලැබූ යෝජනාවට අනුමැතිය හිමිවූ බව බලශක්ති අමාත්ය කාංචන විජේසේකර සඳහන් කර සිටිනවා.
ඉදිරි දින කිහිපයේ පෞද්ගලික බස් රථ සියයට 15 කට අඩු ප්රමාණයක් ධාවනයට එක් කරන බව පෞද්ගලික බස්රථ හිමියන්ගේ සංගමය පවසනවා. එහි සභාපති ගැමුණු විජේරත්න නෙත් නිවුස් කළ විමසීමකදී සදහන් කළේ ලංගම ඩිපෝවලින් පෞද්ගලික බස් රථ සදහා ඉන්ධන නිකුත් කිරීම හේතුවෙන් එලෙස බස් රථ ප්රමාණයක් ධාවනයට එක් කිරීමට හැකි බවයි.
සියලුම ප්රාදේශීය ලේකම් කාර්යාලවල දිස්ත්රික් රෙජිස්ට්රාර් අංශ වෙතින් සපයනු ලබන උපත්,විවාහ සහ මරණ සහතික පිටපත් සඳුදා සහ බදාදා දින දෙක තුලදී පමණක් සිදු කිරීමට පියවර ගෙන ඇත.
ඉදිරි සතියක පමණ කාලයක් සඳහා විදුලි කප්පාදුව පැය තුනක මට්ටමේ පවත්වාගෙන යාමට ප්රමාණවත් ඉන්ධන සංචිත ලංකා විදුලි මණ්ඩලය සතුව පවතින බව මහජන උපයෝගිතා කොමිසම පවසනවා. සතියකින් පසු එළඹෙන කාල සීමාවේදීද විදුලි කප්පාදුව පැය තුනකට පමණක් සීමා කිරීමට හැකි වනු ඇතැයි තමන් අපේක්ෂා කරන බවද නෙත් නිවුස් කළ විමසීමකදී ඔහු කියා සිටියා.
දැනට ඉදිකරමින් පවතින කොළඹ වරායේ නැගෙනහිර පර්යන්තය සහ එහි මෙහෙයුම් කටයුතු 100% ක් වරාය අධිකාරිය සතුවන බවත් කිසිදු හේතුවක් මත එය පෞද්ගලීකරණය කිරීමේ අදහසක් නොමැති බවත් වරාය, නාවික හා සිවිල් ගුවන් සේවා අමාත්ය නිමල් සිරිපාල ද සිල්වා මහතා පවසනවා.
Page 164 of 638