State
මෙරටට ලගා වූ නෞකාවේ පෙට්රල් තොගය අද දින ගොඩබාන බව බලශක්ති අමාත්ය කංචන විජේසේකර පවසනවා. පෙට්රල් මෙටි්රක් ටොන් 35,000ක් රැගත් එම නෞකාවේ සාම්පල පරීක්ෂාව ඊයේ සිදු කෙරුණා.
මුව ආවරණ පැළදීම අනිවාර්ය නොකළද යලිත් ඒ පිළිබද වැඩි අවධානයක් යොමු කරන ලෙස සෞඛ්ය අමාත්යාංශය ජනතාවගෙන් ඉල්ලීමක් කරනවා. ජනතාව අතර ගැවසීමේදී මුව ආවරණ පැළදීම මෙන්ම අනෙකුත් සෞඛ්ය පුරුදු පිළිබද වැඩි අවධානයක් යොමු කිරීම අත්යවශ්ය වී ඇති බවයි නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් පැවසුවේ.
පාර්ලිමේන්තු අවට ප්රදේශවල ආරක්ෂාව තර කර තිබෙනවා. ඒ අනුව පොලීසියට අමතරව යුද හමුදාවද පාර්ලිමේන්තු සංකීර්ණය සහ අවට ප්රදේශවල ආරක්ෂාවට යොදවා ඇති බවයි වාර්තා වුණේ.
අනුප්රාප්තික ජනාධිපතිවරයා තෝරා පත්කර ගැනීම සඳහා ලබන 20 වෙනිදා පාර්ලිමේන්තුවේදී පැවැත්වීමට නියමිත ඡන්ද විමසීමේදී මන්ත්රීවරුන්ට නිදහසේ සිය ඡන්දය භාවිතා කිරීමට ඇති අයිතිය අවහිර කරමින් සමාජ මාධ්ය ඔස්සේ බලපෑම් කරන පුද්ගලයින් පිළිබඳ විමර්ශනය කරන ලෙස වැඩබලන ජනාධිපති රනිල් වික්රමසිංහ මහතා විසින් ආරක්ෂක අංශ වෙත උපදෙස් ලබාදී තිබේ.
අධිකරණයට අපහාස කිරීම සම්බන්ධයෙන් සිර දඬුවම් ලබන හිටපු පාර්ලිමේන්තු මන්ත්රී රංජන් රාමනායක මහතාට ජනාධිපති සමාව ලබාදීම සඳහා අවශ්ය ලේඛන බන්ධනාගාර දෙපාර්තමේන්තුවෙන් කැඳවා ඇති බව අධිකරණ අමාත්ය විජේදාස රාජපක්ෂ මහතා පවසයි.
විරෝධතාකරුවන්ට ජනාධිපතිවරයා තේරීමේ පාර්ලිමේන්තු මැතිවරණයට බාධා එල්ල කිරීමට හෝ යළි ගොඩනැගිලි අත්පත් කිරීමට කිසිදු අයුරකින් තමන් ඉඩ නොතබන බව වැඩබලන ජනාධිපති රනිල් වික්රමසිංහ ප්රකාශ කර සිටිනවා.
අද (18) සිට ක්රියාත්මක වන පරිදි දිවයින පුරා හදිසි තත්වයක් ප්රකාශයට පත්කරමින් වැඩබලන ජනාධිපති රනිල් වික්රමසිංහ මහතා විසින් අතිවිශේෂ ගැසට් නිවේදනයක් නිකුත් කර තිබේ.
ඉන්දියාවෙන් ගෙන්වන ලද යූරියා පොහොර දිවයින පුරා බෙදා හැරීම සඳහා අමතර ඉන්ධන ප්රමාණයක් ලබා දෙන ලෙස කෘෂිකර්ම අමාත්යාංශය විදුලිබල හා බලශක්ති අමාත්යාංශයෙන් ඉල්ලීමක් කර තිබෙනවා.
සිපෙට්කෝ පිරවුම්හල් වෙත ඉන්ධන බෙදාහැරීම ඇරඹෙයි
ලංකා ඛනිජ තෙල් නීතිගත සංස්ථාව විසින් සිපෙට්කෝ ඉන්ධන පිරවුම්හල් වෙත ඔක්ටේන් 92 වර්ගයේ පෙට්රල් ඉන්ධන බෙදාහැරීම ලබන 21 වැනිදා සිට යළි ආරම්භ කිරීමට නියමිතයි.
ඒ අනුව ලබන 21 වැනිදා සිට 26 වැනිදා දක්වා ඔක්ටේන් 92 වර්ගයේ ඉන්ධන බෙදාහැරෙන පිරවුම්හල් ලැයිස්තුව මේ වන විට නිකුත් කර තිබේ.
Aruna
Page 155 of 638