State
රජයේ පාසල් සහ රජයේ අනුමත සියලු පෞද්ගලික පාසල් අද සිට යළි ආරම්භ වනවා. ඒ අනුව, නැවත දැනුම් දෙනතුරු සදුදා, අගහරුවාදා සහ බ්රහස්පතින්දා දිනවල පාසල් පැවැත්වීමටත් බදාදා සහ සිකුරාදා දිනවලදී සිසුන්ට නිවෙස්වල සිට ඉගෙනීමේ කටයුතුවල නිරත විය හැකි ක්රියාකාරකම් ලබාදීමටත් නැතහොත් මාර්ග ගතව ඉගෙනුම් ඉගැන්වීම් කටයුතු සිදු කිරීමටත් අධ්යාපන අමාත්යාංශය තීරණය කර තිබෙනවා.
හිටපු ජනාධිපති ලේකම් ගාමිණී සෙනරත්ට ආණ්ඩුවේ තනතුරක් ලබාදීමට යෝජනාවී තිබෙනවා. ජනාධිපති උපදේශකවරයෙකු ලෙස ඔහුට පත්වීමක් ලබාදීමටයි ආණ්ඩුවේ අදහස වී ඇත්තේ.
සාමකාමී,ප්රචණ්ඩත්වයෙන් තොරව රැස්වීමේ අයිතිවාසිකම් තහවුරු කිරීමට ශ්රී ලංකාවේ කැපවීම යළිත් තහවුරු කර ඇති බව පසුගිය සිකුරාදා කොළඹ දි රාජ්ය තාන්ත්රික නිලධාරීන් හමුවේ ජනාධිපති රනිල් වික්රමසිංහ මහතා සිය ස්ථාවරය ප්රකාශ කරමින් සඳහන් කර ඇත.
රාජ්ය සේවයේ අත්යවශ්යම සේවකයින් පමණක් සේවයට කැඳවීමේ ක්රමවේදය අද සිට තවත් මාසයක කාලයක් දීර්ඝ කර තිබෙනවා. ඒ අනුව රාජ්ය සේවයේ අත්යවශ්යම සේවකයින් පමණක් සේවයට කැඳවීම සම්බන්ධයෙන් නිකුත් කළ චක්රලේඛය ද මසක කාලයක් දක්වා දීර්ඝ කළ බවයි රාජ්ය පරිපාලන අමාත්යංශය සඳහන් කළේ.
ඉදිරියේ දී ඉන්ධන නිකුත් කිරීමේ දී ආහාර නිෂ්පාදනයට අවශ්ය වන ඉන්ධන ලබා දීමට ප්රමුඛත්වය ලබා දීමට පියවර ගන්නා ලෙස ජනාධිපති රනිල් වික්රමසිංහ මහතා අමාත්ය මණ්ඩලයට උපදෙස් දී තිබෙනවා. කෘෂිකර්ම අමාත්ය මහින්ද අමරවීර පවසන්නේ ඒ අනුව ඉදිරියේදී ඊට අදාළ කටයුතු සිදුකරනු ඇති බවයි.
Page 152 of 638