ජල ගාස්තු සැප්තැම්බර් පළමුවනදා සිට ඉහල දමන බව ජාතික ජල සම්පාදන හා ජලාපවාහන මණ්ඩලය පවසනවා.
ඒ අනුව, නිවාසවල ජල ගාස්තුව සියයට 70කින් ඉහල දමන බවයි එම මණ්ඩලයේ උසස් නිලධාරියෙකු නෙත් නිවුස් කළ විමසීමකදී සදහන් කළේ.
කෙසේවෙතත් රජයේ පාසල්වල මෙන්ම අඩු ආදායම්ලාභීන්ගේ නිවෙස්වල ජල ගාස්තු ඉහල නොදමන බවයි එම නිලධාරියා සදහන් කළේ. ව්‍යාපාරක ස්ථාන සහ සමාගම් සඳහා ජල ගාස්තු ඉහල දමන ප්‍රමාණයන් මෙතෙක් තීරණය කර නැහැ.
ජල ගාස්තු ඉහල දැමීමට ඉකුත්දා අමාත්‍ය මණ්ඩලයේද අනුමැතිය හිමි වුණා. ඊට අදාල ලේඛණ ඉකුත් සිකුරාදා සිය මණ්ඩලයට ලැබුණු බවයි ජාතික ජලසම්පාදන හා ජලාපවාහන මණ්ඩලය පැවසුවේ.
ඒ අනුව, තවත් දින කිහිපයක් ඇතුලත ඒ ඒ ක්ෂේත්‍ර සදහා ජල ගාස්තුව ඉහල දමන මුදල පිළිබඳ අවසන් තීරණයක් ගෙන ඊට අදාල ගැසට් නිවේදනය නිකුත් කිරීමට පියවර ගන්නා බවයි ජාතික ජලසම්පාදන හා ජලාපවාහන මණ්ඩලය පැවසුවේ.
එලෙස ජල ගාස්තුව ඉහල දැමෙන්නේ වසර 10කට පසුවයි. ඉන්ධන මිල ඉහල යාම හා විදුලි බිල ඉහල යාම හමුවේ පිරිවැය අවම කිරීම සඳහා එළෙස ජල ගාස්තුව ඉහල දමන බවයි ජාතික ජලසම්පාදන හා ජලාපවාහන මණ්ඩලය වැඩිදුරටත් සදහන් කළේ.
Neth