State
අද සිට ඉන්ධන නිකුත් කිරීම සිදුවන්නේ වාහන අංක තහඩුවේ අවසාන අංක ක්‍රමයට අනුව පමණක් බව ඛණිජ තෙල් බෙදුම්කරුවන්ගේ සංගමය පවසනවා. එම සංගමයේ සභාපති ඩබ්ලිව් එස් එස් ප්‍රනාන්දු පැවසුවේ අදාළ දිනයට අයත් නොවන අංක සහිත වාහන සදහා ඉන්ධන නිකුත් නොකරන බැවින් එවැනි වාහන රැගෙන පෝලිම්වල රැදි නොසිටින ලෙසට ජනතාවගෙන් ඉල්ලා සිටින බවයි.
ජේෂ්ඨ පොලිස් අධිකාරීවරුන් දෙදෙනෙකු ඇතුළු පොලිස් නිලධාරීන් 19 දෙනෙකුට වහාම ක්‍රියාත්මක වන පරිදි පත් කිරීම් සහ ස්ථාන මාරුවීම් ලබාදී තිබෙනවා. ඒ, මහජන ආරක්ෂක අමාත්‍යාංශයේ ලේකම්වරයාගේ විශේෂ ගැසට් පත්‍රය මගින් රාජ්‍ය සේවා කොමිෂන් සභාව විසින් සිදුකර ඇති බලතල පැවරීම ප්‍රකාරව, අනුමැතිය මතයි.
ජනාධිපති රනිල් වික්‍රමසිංහ මහතා විසින් විශේෂ ගැසට් නිවේදනයක් නිකුත් කර තිබෙනවා. ඒ, මහජන ආරක්ෂක ආඥා පනත ප්‍රකාරවයි. ඒ අනුව එම ආඥා පනතේ 12 වන වගන්තියෙන් ජනාධිපතිවරයා වෙත පැවරී ඇති බලතල ප්‍රකාරව මහජන සාමය පවත්වාගෙන යාම සඳහා සන්නද්ධ හමුදා සියලු සාමාජිකයින් කැඳවන බවයි එම නිවේදනයේ දැක්වෙන්නේ.
ඉන්ධන බෙදා හැරීමේදී අධ්‍යාපන ක්ෂේත්‍රයට ප්‍රමුඛතාවය දී කටයුතු කරන්නැයි අධ්‍යාපන අමාත්‍ය සුසිල් ප්‍රේමජයන්ත් අදාල බලධාරීන්ගෙන් දැඩි ඉල්ලීමක් කර තිබෙනවා. අමාත්‍යවරයා ඉන්ධන බෙදා හරින ප්‍රධානීන් අමතා දෝෂාරෝපණය කර ඇත්තේ ඉන්ධන වැනි ගැටළු මත පදනම්ව ලොව කිසිදු රටක පාසැල් වසා නොතබන බවයි.
ශ්‍රී ලංකාවේ 08 වන විධායක ජනාධිපතිවරයා ලෙස තේරී පත්වූ රනිල් වික්‍රමසිංහ මහතා අද එම ධූරයේ දිවුරුම් දීමට නියමිතව තිබෙනවා. ඒ අනුව අභිනව ජනාධිපතිවරයා අද උදෑසන පාර්ලිමේන්තු සංකීර්ණයේදී දිවුරුම් දෙනු ඇති.
මෙරට නව අග්‍රාමාත්‍යවරයා ලෙස පාර්ලිමේන්තු මන්ත්‍රී දිනේෂ් ගුණවර්ධන මහතා ජනපති ඉදිරියේ දිවුරුම් දෙයි.
නව අග්‍රාමාත්‍යවරයා ප්‍රමුඛ අමාත්‍ය මණ්ඩලය අද දිවුරුම් දෙනවා. එම පිරිස කොළඹ මල් පාරේ පිහිටි අග්‍රාමාත්‍ය කාර්යාලයේදී අද පෙරවරුවේ දිවුරුම් දෙන බවයි ජනාධිපති මාධ්‍ය අංශය පැවසුවේ.
Page 128 of 613