Social and Equity

සංහිඳියාව සඳහා වන ක්‍රියාකාරී සැලැස්ම ක්‍රියාත්මක කිරීමට අදාළ නීති කෙටුම්පත් කිරීමේ කටයුතු කඩිනම් කරන ලෙස ජනාධිපති රනිල් වික්‍රමසිංහ මහතා අදාළ අංශවලට උපදෙස් දුන්නේය.

විදෙස්ගතව සිට මෙරටට පැමිණි එකම පවුලක සාමාජිකයින් දෙදෙනෙකුට මංකිපොක්ස් වැලඳී ඇති බවට සෞඛ්‍ය අංශ තහවුරු කර තිබේ.

හෝමාගම පිටිපන "ධර්ම රශ්මි" පොසොන් කලාපයට සමගාමීව පැවැත්වෙන සර්වඥ ධාතු ප්‍රදර්ශනය උදෙසා කෞතුකාගාර දෙපාර්තමේන්තුවේ විශේෂ ආරක්ෂිත පරිශ්‍රයක තැන්පත් කර තිබෙන මගින් නීලගිරි මහා සෑය ආශ්‍රිත කැණීම්වලින් සොයාගත් සර්වඥ ධාතූන් වහන්සේලා හෝමාගම ශ්‍රී සුගතබිම්බාරාම විහාරස්ථානයට වැඩමවීම ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ ප්‍රධානත්වයෙන් සිදු කෙරිණි.

මැදිවියේ පුද්ගලයන්ගේ හදිසියේ සිදුවන අහේතුක මරණවලට කලින් හඳුනා නොගත් අධි රුධිර පීඩන තත්ත්වය හේතු විය හැකි බැවින් වහාම ළඟම රෝහල වෙත හෝ පවුලේ වෛද්‍යවරයා වෙත ගොස් රුධිර පීඩනය මැන බලා ගන්නා ලෙස අධි රුධිර පීඩන පරීක්ෂණ මධ්‍යස්ථානයේ අධ්‍යක්ෂ පේරාදෙණිය විශ්වවිද්‍යාලයේ වෛද්‍ය පීඨයේ මහාචාර්ය වෛද්‍ය උදය රළපනාව මහතා දැනුම් දෙයි.

මේ වන විට සමාජ අභියෝගයක් ව ඇති ඩෙංගු උවදුර මර්දනය කිරීම සඳහා අධ්‍යාපන අමාත්‍යාංශයේ අවධානය යොමු වී ඇත බව අධ්‍යාපන අමාත්‍ය සුසිල් ප්‍රේමජයන්ත් මහතා පැවසීය.

පොසොන් පුර පසලොස්වක පොහොය දිනය වෙනුවෙන් ජනාධිපති විශේෂ සමාව යටතේ සිරකරුවන් 440 ට නිදහස හිමිව ඇත.

පිරිස අතර කාන්තා රැඳවියන් 6 දෙන්නෙක් ද සිටින බව බන්ධනාගාර මාධ්‍ය ප්‍රකාශක අතිරේක කොමසාරිස් ජනරාල් චන්දන ඒකනායක පැවසීය.

සියලු බන්ධනාගාර ආවරණය වන පරිදි සිරකරුවන් ට මෙම නිදහස ලබා දී ඇති බවද බන්ධනාගාර මාධ්‍ය ප්‍රකාශකවරයා වැඩිදුරටත් පැවසීය.

භූ විද්‍යා සමීක්ෂණ සහ පතල් කාර්යාංශය පොදු ව්‍යාපාර පිළිබඳ කාරක සභාව හමුවට කැඳවූ 03 වැනි අවස්ථාව මෙය වුවද, පවතින ප්‍රධාන ගැටලු සඳහා නිසි පිළියමක් ලබා දී නොමැතිවීම පිළිබඳව කෝප් කමිටු සභාපති මහාචාර්ය රංජිත් බණ්ඩාර මහතා දැඩි ලෙස සිය අප්‍රසාදය පළ කළේය.

වසර 43ක් පැරණි ජාතික පරිසර පනත යාවත්කාලීන කිරීමට ජනාධිපති රනිල් වික්‍රමසිංහ මහතා ගන්නා උත්සාහය අගය කරන බව පරිසර මාධ්‍යවේදී අරුන් ඩයස් බණ්ඩාරනායක මහතා පැවසීය.

ශ්‍රී ලංකාව තුළ දුම්කොළ පරිභෝජනයේ ප්‍රශංසනීය අඩුවීමක් පෙන්නුම් කර ඇති බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පෙන්වා දෙයි.

ඒකාබද්ධ කම්කරු නීති පද්ධතියක් සකස් කිරීම සදහා මේ වන විට ඉදිරිපත්ව තිබෙන යෝජනාවන්හි සංක්ෂිප්තයක් ලබන 14 වැනිදා ඉදිරිපත් කරන බව කම්කරු හා විදේශ රැකියා අමාත්‍ය මනුෂ නානායක්කාර මහතා ජාතික කම්කරු උපදේශක සභාවට දැනුම් දුන්නේය.

Women in Logistics and Transport (WiLAT) Sri Lanka is the Women’s Forum of the Chartered Institute of Logistics and Transport (CILT) Sri Lanka. WiLAT Sri Lanka was inaugurated on 21 March 2013 and is one of the five pioneering fora in WiLAT Global.

රජයේ පූර්ණ අන්‍රග්‍රහය යටතේ මෙවර පොසොන් උත්සවය සැමරීමට කටයුතු යොදා ඇති බවත් ඊට රාජ්‍ය අනුග්‍රහයේ අඩුවක් කර නොමැති බවත් බුද්ධ ශාසන අමාත්‍යංශයේ ලේකම් සෝමරත්න විදානපතිරණ මහතා පවසයි.

ඔහු මේ බව පැවසුවේ අද (31) රජයේ ප්‍රවෘත්ති දෙපාර්තමේන්තුවේදී රාජ්‍ය පොසොන් උත්සවය පිළිබඳව දැනුවත් කිරීමේ මාධ්‍ය හමුවේදී අදහස් දක්වමිනි.

රටේ පැවති අර්බුදකාරී තත්ත්වය සහ කොවිඩ් ව්‍යාප්ති තත්ත්වය හමුවේ ආගමික වතාවත් සහ අනෙකුත් කර්තව්‍යයන් ජනතාවට සුපුරුදු පරිදි සිදුකිරීමට අවස්ථාවක් නොපැවති බව කියා සිටි බුද්ධශාසන අමාත්‍යංශයේ ලේකම් සෝමරත්න විදානපතිරණ මහතා ලාංකික ජනතාවට අතිශය වැදගත් වන පොසොන් උත්සවය සදහා මේ වන විට සියලු කටයුතු සම්පාදනය කර අවසන් බවද පැවසුවේය.

වෙසක් උත්සවයේ සමාජයේ පැවති පිබිඳීම තවදුරටත් උත්දීපනය කරමින් රජයක් වශයෙන් දිවයින පුරාම ආවරණය වන පරිදි විවිධ ප්‍රදේශ ප්‍රකාශයට පත් කර ඒ සඳහා රජයෙන් ලබාදිය යුතු දායකත්වය ලබාදී සියලු කටයුතු මේ වන විට සම්පූර්ණ වී ඇතැයිද සඳහන් කළේය.

තන්තිරිමලේ, සිතුල්පව්ව, හෝමාගම, ඉංගිරිය, ගම්පහ, හම්බන්තොට තිස්සමහාරාම, මහියංගනය, බදුල්ල ආදී “සෑම දිස්ත්‍රික්කයකම විශාල පොසොන් කලාප බවට පරිවර්තනය කර ඒ සඳහා දිසාපතිවරුන්, ප්‍රාදේශීය ලේකම්වරුන්, අන්‍ය ආගමික පූජක ප්‍රසාදීන් වහන්සේලා හා පෞද්ගලික අංශයේ ධානපතීන්ගේ දායකත්වය ඇතිව සියල්ල සංවිධානය කර ඇතැයිද පැවසුවේය.

ඊට සමගාමීව රජය විසින් ඉතාමත්ම දුෂ්කර විහාරස්ථාන වල අවශ්‍ය වන භෞතික සම්පත් සංවර්ධනය සදහා මිලියන 100ක ප්‍රතිපාදන වෙන්කර දැනටමත් එම විහාරස්ථාන සංවර්ධනයට අවශ්‍ය මූලික ප්‍රතිපාදන දිස්ත්‍රික් 25ම දිසාපතිවරුන්ට යොමුකර ඇතැයිද සඳහන් කළේය.

මෙවර රාජ්‍ය වෙසක් උත්සවයට මෙන්ම පොසොන් උත්සවයටත් පාර්ලිමේන්තුව විසින් අනුමත කරන ලද ප්‍රතිපාදන ප්‍රමාණය වන පොසොන් උත්සවය සදහා ලක්ෂ 30ක් සහ පෙරහැර කටයුතු සදහා ලක්ෂයක් වශයෙන් ලක්ෂ 31ක ප්‍රතිපාදන මුදලක් යොමුකර ඇතැයිද ලේකම්වරයා වැඩිදුරටත් පැවසීය.

පවතින ආර්ථික තත්ත්වය අප සියලුදෙනාම අවබෝධ කරගනිමින් එම සීමිත ප්‍රතිපාදන වලින් හැකි අයුරින් උතුම් වූ පොසොන් උත්සවය සහයෝගයෙන් සැමරීමට කටයුතු කරන ලෙස බුද්ධශාසන අමාත්‍යංශයේ ලේකම්වරයා ඉල්ලා සිටියේය.

ආර්ථික අර්බුදයේ බලපෑමෙන් ඉදිකිරීම් ක්ෂේත්‍රය මුදවා ගැනීමට අවශ්‍ය මූලික සැලසුම් සම්බන්ධයෙන් ආර්ථික අර්බුදයේ බලපෑම සමනය කිරීම පිළිබඳ ආංශික අධීක්‍ෂණ කාරක සභාවේදී සාකච්ඡා විය.

ශ්‍රී ලංකා යොවුන් ගායන ශිල්පිනී යොහානි ද සිල්වා, ඩුබායිහි ‘ගෝල්ඩන් වීසා’ සම්මාන හිමිකරගත්තාය.