Political News
ව්යවස්ථාදායක කාරක සභාව සදහා නම් කළ සාමාජිකයිනගේ ලැයිස්තුව කතානායකවරයා විසින් අද පාර්ලිමේන්තුවට ඉදිරිපත් කළා. එම කාරක සභාවට පාර්ලිමේන්තු මන්ත්රීවරුන් 15දෙනෙකු ඇතුළත්.
ජනතා අරගලය හේතුවෙන් ඉල්ලා අස් වන්නට සිදු වූ ජනපති-අගමැති-මුදල් ඇමති ඇතුළු කණ්ඩායම වෙනුවට එදා ඔවුන්ට අවශ්ය වූයේ ඔවුන්ගේ සිතැගි ඉටුකරන පුද්ගලයෙකු ජනාධිපති ධුරයට පත් කිරීම බවත්, එදා තමන්ට අගමැති තනතුරට ආරාධනා කොට ඔවුන් බලාපොරොත්තු වුනේ දින කීපයකට පසු විශ්වාසභංගයක් ගෙනැවිත් තමාගේ දේශපාලන ජීවිතයම අවසන් කොට දැමීම බවත් විපක්ෂ නායක සජිත් ප්රේමදාස මහතා පවසයි.
පාර්ලිමේන්තුවේ පොදු ව්යාපාර කාරක සභාව හෙවත් කෝප් කමිටුවේ සහ රාජ්ය ගිණුම් සභාව හෙවත් කෝපා කමිටුවේ සාමාජික මන්ත්රිවරුන්ගේ නම් සඳුදා (03) නිවේදනය කිරීමට නියමිතය.
වත්මන් ආර්ථික අර්බුදයෙන්, දුප්පත් පොහොසත් භේදයකින් තොරව සියලු ශ්රී ලාංකිකයන් පීඩා විඳිමින් සිටින බව කෘෂිකර්ම අමාත්ය මහින්ද අමරවීර මහතා පවසනවා. වර්තමානයේදී කිසිවෙක් සැපපහසු ජීවිතයක් ගත කරනවා යැයි කිව නොහැකි බවද අමාත්යවරයා සඳහන් කරනවා.
ශ්රී ලංකි නිදහස් පක්ෂයේ දේශපාලන මණ්ඩලයෙන් දුමින්ද දිසානායක මහතා ඉවත් කර තිබෙනවා. කෙසේ නමුත් ජාතික සංවිධායක ධුරයෙන් සහ අනුරාධපුර දිස්ත්රික් නායකත්වයෙන් ඔහු ඉවත් කර නොමැත.
ඔක්තෝබර් මාසයේ අවසානයෙන් පසු මෙරට තුළ දැවැන්ත කැරැල්ලක් ආරම්භ වනු ඇති බව සමගි ජන බලවේගයේ හිටපු පාර්ලිමේන්තු මන්ත්රී හිරුණිකා ප්රේමචන්ද්ර මහත්මිය පවසයි.
සෑම දරුවකුටම හිමි අධ්යාපන අයිතිය ආරක්ෂා කිරීම රටේ පාලකයන්ගේ වගකීම බවත් රටේ අනාගත පරපුර වෙනුවෙන් එක්සත් ජාතීන්ගේ ළමා ප්රඥප්තිය වඩාත් සක්රීයව ක්රියාවට නැංවිය යුතු බවත් විපක්ෂ නායක සජිත් ප්රේමදාස මහතා අවධාරණය කරනවා.
මෙරට දරුවන්ගේ අභිවෘද්ධිය වෙනුවෙන් ඉදිරියේදී විශාල වැඩකොටසක් කිරීමට බලාපොරොත්තුවන බව ළමයින් සඳහා වන පාර්ලිමේන්තු සංසදයේ සභාපති පාර්ලිමේන්තු මන්ත්රී රෝහිණි කවිරත්න මහත්මිය පැවසුවාය.
ගැබිණි මව්වරුන්ට හා ළඳරුවන්ට ලබාදෙන ත්රිපෝෂ තුළ පිළිකාකාරක ඇෆ්ලටොක්සින් අඩංගු බවට කළ ප්රචාරයන් සම්බන්ධයෙන් සිදුකළ අවසන් පරීක්ෂණ වාර්තා ලැබීමට නියමිත බව සෞඛ්ය අමාත්ය කෙහෙළිය රඹුක්වැල්ල පවසනවා.
ජාත්යන්තර මූල්ය අරමුදල සමග සහ ණය හිමියන් සමග සාකච්ඡා කළ යුත්තේ මෙරට ජනතාවට දරාගත හැකි මට්ටමේ වැඩපිළිවෙලක් බව සමගි ජන බලවේගය පවසනවා.
රාජ්ය ඇමතිවරුන් 38 ක් පත්කළ වත්මන් ආණ්ඩුව තවත් කැබිනට් ඇමතිවරුන් පිරිසක් පත් කිරීමට සූදානමින් සිටින බව මහාචාර්ය ජී.ඇල්. පීරිස් මහතා පවසනවා. ඉහළ දැමූ විදුලි බිල් ගෙවාගත නොහැකිව, තුන්වේල පිරිමසා ගැනීමට නොහැකිව රටේ බහුතර ජනතාව දැඩි අර්බුදයකට මුහුණදෙමින් සිටියදී ආණ්ඩුව තවදුරටත් හිතුවක්කාරී ලෙස මැති ඇමතිවරුන් පමණක් පෝෂණය කරමින් සිටින බවයි මහාචාර්යවරයා සඳහන් කරන්නේ.
පාස්කු ඉරුදින ත්රස්ත ප්රහාරයක් එල්ල වන බවට තොරතුරු ලැබී තිබියදීත් එය නොසලකා හැර වළක්වා ගැනීමට අපොහොසත් වීම සම්බන්ධයෙන් ගොනු කර තිබෙන පුද්ගලික පැමිණිල්ලට අදාළව කොටුව මහේස්ත්රාත් අධිකරණය හමුවේ පෙනී සිටින ලෙස දන්වා තමන් වෙත නිකුත් කර තිබෙන සිතාසිය බලරහිත කරන්නැයි ඉල්ලා හිටපු ජනාධිපති මෛත්රිපාල සිරිසේන මහතා විසින් අභියාචනාධිකරණයට රිට් පෙත්සමක් ඉදිරිපත් කර තිබෙනවා.
Page 109 of 554