State
ඉදිරි දින දෙකක පමණ කාලය තුලදී ඉන්ධන බෙදා හැරීමේ කටයුතු සාමාන්ය තත්ත්වයට පත්කර ගැනීමට හැකිවනු ඇතැයි ඛණිජ තෙල් සංස්ථාව විශ්වාසය පළ කරනවා. එහි සභාපති සුමිත් විජේසිංහ පැවසුවේ දිවයිනට පැමිණ ඇති ඉන්ධන නෞකා දෙකෙන් ඉන්ධන ගොඩබෑම අද දිනයේත් සිදුවන බවයි.
ඉන්ධන පිරවුම්හල් වෙත අද දිනයේද ඩීසල් බෙදා හැරීම සිදුවන බව ලංකා ඛණිජ තෙල් නීතිගත සංස්ථාව පවසනවා. එහි ජ්යෙෂ්ඨ ප්රකාශකයෙකු පැවසුවේ මෙම නෞකාවෙන් ඩීසල් මෙට්ට්රික් ටොන් 28,300 ක් මෙරටට රැගෙනවිත් ඇති බවයි.
මෙරටට ලඟා වූ ඩීසල් රැගත් නෞකාවේ ඉන්ධන අද දිනයේ බෙදා හැරීම ආරම්භ කරන බව ලංකා ඛනිජ තෙල් නීතිගත සංස්ථාව පවසනවා. එම නෞකාවේ ඉන්ධන මුතුරාජවෙල ඛණිජතෙල් තොග ගබඩා සංකීර්ණය වෙත ගොඩබෑම ආරම්භ කෙරුණේ ඊයේ දහවල් 12 සිටයි. එහි තිබෙන ඩීසල් මෙට්ට්රික් ටොන් 37,300 ගොඩබෑමට දින 04ක කාලයක් ගතවන බවයි ලංකා ඛණිජ තෙල් නීතිගත සංස්ථාව පැවසුවේ.
පාර්ලිමේන්තු මන්ත්රීවරුන් වන විමල් වීරවංශට සහ උදය ගම්මන්පිලට තවදුරටත් කැබිනට් අමාත්යවරුන් සඳහා ලබාදෙන ආරක්ෂාවට සමාන ආරක්ෂාවක් ලබාදෙන ලෙස අග්රාමාත්ය මහින්ද රාජපක්ෂ මහතා උපදෙස් ලබාදී ඇති බව වාර්තා වනවා.
පාර්ලිමේන්තු මන්ත්රී උදය ගම්මන්පිල මහතාට සහ පාර්ලිමේන්තු මන්ත්රී විමල් වීරවංශ මහත්වරුන්ට සාධාරණයක් ඉටුකරන තුරු තම අමාත්යධුරයේ කටයුතු ඉටු කිරීමෙන් වළකින බව ජල සම්පාදන අමාත්ය වාසුදේව නානායක්කාර මහතා පැවසීය.
කොවිඩ් ආසාදිත මෘතදේහ භූමදානය කිරීම සම්බන්ධයෙන් වූ නීති රෙගුලාසි සංශෝධනය කර තිබෙනවා. නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් පැවසුවේ කොවිඩ් ආසාදිතව මියයන පුද්ගලයින්ගේ සිරුරු ඕනෑම සුසාන භූමියක භූමදාන කිරීමට අවසර ලබාදී ඇති බවයි.
ඊයේ සිදුකෙරුණු අමාත්ය මණ්ඩල සංශෝධනයේ තවත් කොටසක් අද (04) දිනයේත් සිදුකිරීමට නියමිත බව ආරංචිමාර්ග පවසයි.
ලබන සඳුදා සිට ආරම්භ කෙරෙන නව පාසැල් වාරයේදී ශිෂ්ය සංඛ්යාව අනුව සිසු සිසුවියන් පාසැල් වෙත කැඳවීමට තීරණය කර ඇතැයි වාර්තා වනවා. ඒ අනුව පන්තියක ශිෂ්ය සංඛ්යාව 20 ක් හෝ ඊට අඩුනම් සෑම දිනකම සියලු පන්ති පැවැත්විය හැකියි.
වහාම ඉන්ධන මිල වැඩි කිරීමක් හා විදුලි ගාස්තු වැඩි කිරිමක් සිදු කළ යුතු බව ශ්රී ලංකා මහ බැංකුවේ මුදල් මණ්ඩලය අවධාරණය කර තිබෙනවා. ඒ, රජයේ ආර්ථික හා මූල්ය උපදේශක වශයෙන් රජය ක්රියාත්මක කළ යුතු සුවිශේෂි කරුණු 08 ක් පිළිබඳ මුදල් මණ්ඩලය රජයට උපදෙස් ලබා දෙමින්. ඒ අනුව මහ බැංකුව මීට පෙර නිර්දේශ කළ පරිදි අත්යවශ්ය නොවන හා හදිසි නොවන ආනයන අධෛර්මත් කළ යුතු වනවා.
හදිසි කැබිනට් සංශෝධනයක් සිදු කිරීමට නියමිත බව වාර්තා වනවා. ඒ අනුව බලශක්ති අමාත්ය ධුරය පවිත්රා වන්නිආරච්චි පත් කිරීමට නියමිත බවයි වාර්තා වන්නේ. අධ්යපන අමාත්යවරයා ලෙස පත් කිරීමට තීරණය වී ඇත්තේ පාර්ලිමේන්තු මන්ත්රී එස් බී දිසානායකයි.
මේ මොහොතේ රටේ ඇති ප්රධාන ගැටළුව වන ආර්ථික අර්බුදයට විසඳුම් සොයා ගැනීම ආණ්ඩුවේ ප්රමුඛ අවධානය වී ඇතැයි අමාත්ය රමේෂ් පතිරණ පවසනවා. ඔහු පැවසුවේ උදය ගම්මන්පිල සහ විමල් වීරවංශ අමාත්ය ධූරවලින් ඉවත් කිරීමෙන් පසු ඉදිරියේදී ඇතිවිය හැකි දේශපාලන තත්ත්වයන් මේ මොහොතේ එතරම් වැදගත් නොවන බවයි.
ස්ථාවර තැන්පතු පහසුකම් අනුපාතිකය සහ ස්ථාවර ණය පහසුකම් අනුපාතිකය ඉහළ නැංවීමට ශ්රි ලංකා මහ බැංකුව තීරණය කර තිබෙනවා. මහ බැංකු මුදල් මණ්ඩලය ඊයේ රැස්වු අවස්ථාවේ දේශීය ආර්ථික ක්රියාකාරකම්වල පවතින අඛණ්ඩ බාධාවන් සැලකිල්ලට ගනිමින් මෙම තීරණය ගෙන ඇති බව සඳහන්.
Page 212 of 638