මිනුවන්ගොඩ කොරෝනා පොකුරේ ගාල්ල දිස්ත්‍රික්කයේ පළමු පෙළ ආශ්‍රිතයින් 104 දෙනෙකුගේ පි.සි.ආර්. පරික්ෂණ පෙරේදා (11) සිදුකළ බැව් ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි.
ගාල්ල බද්දේගම, රත්ගම, බලපිටිය, බටපොළ, අම්බලන්ගොඩ යන ප්‍රදේශවල පදිංචිකරුවන්ගේ හා කොග්ගල ප්‍රදේශයේ හෝටලයක හා හබරාදුව නිරෝධායන මධ්‍යස්ථානයේ නිරෝධායනය වෙමින් සිටින පළමුපෙළ ආශ්‍රිතයන්ගේ පි. සි.ආර්. පරික්ෂණ පෙරේදා (11) දින සිදු කළ බවද හෙතෙම පවසයි.
පි. සි.ආර්. පරික්ෂණ සිදුකළ අය අතර රත්ගම කටුදම්ප ප්‍රදේශයේ භික්ෂුන් වහන්සේලා 12 දෙනෙකු සිටන බවද ගාල්ල දිස්ත්‍රික් ප්‍රදේශිය වසංගත රෝග විද්‍යාඥ වෛද්‍ය වෙනුර කේ. සිංගාරච්චි මහතා පවසයි. මේ අතර මිනුවන්ගොඩ ඇගළුම් කම්හලේ සේවය කරණ සේවිකාවක් කොළඹ දි සිදුකළ පී. සී.ආර්. පරික්ෂණයෙන් පසු වදුරඹ පොල්ගහවිල ප්‍රදේශයේ සිය නිවසට පැමිණ ඇති බවද ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි. එම ඇඟළුම් සේවිකාව දින ගණනාවක් නිවසේ ගතකොට ඇති අතර පළමු. පි.සි.ආර්. පරික්ෂණයේ ප්‍රතිඵල නිශ්චිතව හඳුනාගෙන නොමැති අතර ඉකුත් 10 වැනිදින ඇය කොග්ගල හෝටලයක පවත්වාගෙන යන නිරෝධායන මධ්‍යස්ථානය වෙත රැගෙන විත් ඇති බවද වාර්තාවේ.
නැවත වතාවක් මෙකි ඇඟළුම් සේවිකාවට සිදුකළ පී.සී.ආර්. පරික්ෂණයේ දි ඇයට කොරෝනා වයිරසය ආසාදනය වි ඇති බවට තහවුරු වි ඇති බවද ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි.ඒ අනුව මෙකි ඇඟලුම් සේවිකාවගේ පළමු පෙළ ආශ්‍රිතයන් වන පවුලේ අය 08 දෙනෙකුගේ හා ත්‍රිරෝද රියැදුරකුගේ හා ඔහුගේ බිරිදගේ පි.සි.ආර්. පරික්ෂණ පෙරේදා (11) දින සිදුකළ බවද හෙතෙම පවසයි.
මේ පිළිබද වැඩිදුරටත් අදහස් දක්වමින් ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා මෙසේ කිවේය.
කොග්ගල නිරෝධායන මධ්‍යස්ථානයේ නිරෝධායනය වන පළමු පෙළ ආශ්‍රිතයන් 39 දෙනෙකුගේ හබරාදුව නිරෝධායන මධ්‍යස්ථානයේ 12 දෙනෙකුගේ පි.සි.ආර් පරික්ෂණ පෙරේදා (11) දින සිදුකළා.මිට අමතරව දත්ත වෛද්‍යවරයකුගේ දෙවැනි පි.සි.ආර්. පරික්ෂණය කළා. බලපිටියේ 08 දෙනෙකුගේ, අම්බලන්ගොඩ 23 දෙනෙකුගේ, පි.සි.ආර් පරික්ෂණ කළා. බලපිටියේ පි.සි.ආර්. පරික්ෂණ වාර්තා කළ 08 දෙනාටම කොරෝනා වෛරසය ආසාදනය වි නොමැති බවට තහවුරු වි තියෙනවා. අනිත් පි.සි.ආර්. පරික්ෂණ වල ප්‍රතිඵල ලැබිමට නියමිතව තියෙනවා යැයිද ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා වැඩිදුරටත් සඳහන් කළේය.
(Dinamina)