දහම් පාසල් අධ්‍යයන කටයුතු අද (16) සිට නැවත ආරම්භ කරන බව බෞද්ධ කටයුතු දෙපාර්තමේන්තුව පවසනවා. අදියර දෙකක් යටතේ එම කටයුතු ආරම්භ කෙරෙන බවයි බෞද්ධ කටයුතු දෙපාර්තමේන්තුව සදහන් කළේ.
ඒ අනුව 6 සිට 13 ශ්‍රේණි දක්වා අද දිනයේ සිට අධ්‍යයන කටයුතු ආරම්භ කෙරුණේ සෞඛ්‍ය මාර්ගෝපදේශයන්ට යටත්වයි.
1 සිට 5 ශ්‍රේණි දක්වා අධ්‍යයන කටයුතු ආරම්භ කරන්නේ ලබන 23 වන ඉරිදා දින සිට බවයි බෞද්ධ කටයුතු දෙපාර්තමේන්තුව පැවසුවේ.
කොරෝනා වෛරස ව්‍යාප්තියත් සමග ඉකුත් සමයේ දහම් පාසල් ද වසා දැමුණා. මෙරට කොරෝනා වෛරස ව්‍යාප්තිය මේ වනවිට පාලනයවීම හේතුවෙන් අද සිට දහම් පාසල් අධ්‍යයන කටයුතු ආරම්භ කළ බවයි බෞද්ධ කටයුතු දෙපාර්තමේන්තුව පැවසුවේ.
(Neth)