State
සමෘද්ධි සහනාධාර මුදල හෙට සිට සියයට 28 කින් වැඩි කිරීමට රජය තීරණය කර තිබෙනවා. ඒ අනුව වැඩිවූ සහනාධාර මුදල හෙට සිට සමෘද්ධි මූල බැංකු හරහා ලබාගැනීමේ අවස්ථාව සමෘද්ධි ලාභීන්ට හිමිවන බවයි සමෘද්ධි රාජ්ය අමාත්ය ෂෙහාන් සේමසිංහ පැවසුවේ.
බැසිල් රාජපක්ෂ මහතාගේ ඉන්දියානු සංචාරයේ ප්රතිප්ගලයක් ලෙස ඉන්දියාවෙන් යෝජනා වී තිබෙන ඇමරිකානු ඩොලර් ඩොලර් බිලියන 2.4ට අදාළ ගිවිසුම් සම්පූර්ණ කර ගැනීම සඳහා යළි ඉදිරි සති දෙක ඇතුළත ඉන්දියාවට යාමට සිදුවන බව විදේශ අමාත්ය මහාචාර්ය ජී.එල්.පීරිස් මහතා පවසයි.
ඉන්ධන මිල සූත්රය ලබන සතියේ කැබිනට් මණ්ඩලයට ඉදිරිපත් කරන බව බලශක්ති අමාත්ය උදය ගම්මන්පිල පවසනවා. එය මේවනවිට සකස් කර අවසන් බවයි අමාත්යවරයා පැවසුවේ.
ඇතැම් පුද්ගලයින් දරුවන්ද රැගෙන සිගමන් යැදීම මේ වන විට බහුල වශයෙන් මහාමාර්ගවල දක්නට ලැබෙනවා. මෙවැනි කුඩා දරුවන් සමග සිගමන් යදින පුද්ගලයින්ට එරෙහිව වගකිවයුත්තන් වහා පියවර ගත යුතු බවයි ඇතැමුන් පවසන්නේ.
වී තොග, වී අලෙවි මණ්ඩලයේ ශාඛා වෙත රැගෙනවිත් භාරදෙන්නේ නම් වී සඳහා වැඩි මිලක් ලබාදෙන බව වී අලෙවි මණ්ඩලය පවසනවා. එහි සභාපති නීල් ද අල්විස් පැවසුවේ ඒ අනුව සහතික මිලට වැඩියෙන් රුපියල් 02 ක් ගෙවීමට වී අලෙවි මණ්ඩලය සූදානම් බවයි.
සේවක අර්ථසාධක අරමුදල සහ සේවා නියුක්තිකයින්ගේ භාර අරමුදලෙන් අධිභාර බද්දක් අයකර ගැනීමේ යෝජනාවට මේවනවිට දැඩි විරෝධයක් එල්ල වෙමින් තිබෙනවා. එවන් පසුබිමක එම යෝජනාව සම්බන්ධයෙන් අද පැවැත්වෙන කැබිනට් රැස්වීමේදී ද සාකච්ඡාවට ලක් කෙරෙනු ඇති බවයි වාර්තා වන්නේ.
ජනතාවට ලබාදුන් පොරොන්දු ඉටු කිරීමේදී පැමිණෙන අභියෝගවල ස්වභාවය හෝ ප්රමාණය වැදගත් නොවන බව ජනාධිපති ගෝඨාභය රාජපක්ෂ මහතා පවසයි.
මෙරට සංචාරක කර්මාන්තය තවදුරටත් ප්රවර්ධනය කිරීම සඳහා අවශ්ය මූලික කටයුතු මේවනවිට සූදානම් කර ඇති බව සංචාරක අමාත්ය ප්රසන්න රණතුංග පවසනවා.
ජල විදුලි බලාගාර ආශ්රිත ජලාශවල ජල මට්ටම වසර 05 ක් තුළ වාර්තා වූ අඩුම ප්රතිශතය මේවනවිට පෙන්නුම්කරන බව ලංකා විදුලිබල මණ්ඩලය පවසනවා. ඒ අනුව එම ජල ප්රතිශතය ප්රමාණවත් වන්නේ සති දෙකක කාලයක් සඳහා විදුලිය නිපදවීමට පමණයි. ඉකුත් වසර 05 ට සාපේක්ෂව මෙම කාලය තුළ ජල මට්ටම අඩු වුවද, විදුලිය නිපදවීම ඉතා ඉහල අගයක පවතින බවයි විදුලිබල මණ්ඩලයේ ජ්යෙෂ්ඨ ප්රකාශකයෙකු සඳහන් කළේ.
Page 223 of 642