රටවල් 119ක ක්‍රීඩකයන් 8,250කගේ සහභාගිත්වයෙන් ලෝක ප්‍රවීණයන්ගේ මලල ක්‍රීඩා තරඟාවලිය ස්වීඩනයේ ස්ටොක්හෝම් නුවරදී පැවැත්වුණි.
එහිදී ශ්‍රී ලංකාව නියෝජනය කරමින් සහභාගී වූ සචිත්‍රා ජයකාන්ත කාන්තා දුර පැනීමේ ඉසව්වේ රිදී පදක්කම හිමි කර ගැනීමට සමත් වී තිබේ.
ශ්‍රී ලංකා පොලිස් ක්‍රීඩා සමාජයේ නායිකාව ලෙසින් ද ඇය කටයුතු කරන අතර, මේ තරගාවලියෙන් පසු ඇය පසුගියදා යළි මෙරටට පැමිණියා. ගුවන්තොටුපොළේදී ඇය පිළිගැනීම සඳහා ශ්‍රී ලංකා පොලිස් ක්‍රීඩා සමාජය වෙනුවෙන් ප්‍රධාන පොලිස් පරීක්ෂක මහින්ද ගලගෙදර මහතා ඇතුළු නිලධාරීන් පිරිසක් එක්ව සිටියහ.