මේ වසරේ ගතවූ පළමු දින 70 තුළ වන රක්ෂිත ඇතුළු භූමි අක්කර 43,500කට විවිධ පුද්ගලයින් හානි කර ඇතැයි අනාවරණ වී තිබෙනවා. ඒ, ඉකුත් මාර්තු 11වනදා දක්වා කාලය තුළයි. අදාළ කාලය තුළ පොලිස් විශේෂ කාර්ය බලකාය මගින් නීති විරෝධි ලෙස රක්ෂිත එලි පෙහෙලි කිරීම් සම්බන්ධයෙන් සැකකරුවන් 56 දෙනෙකු අත්අඩංගුවට ගෙන තිබෙනවා.
රක්ෂිත එලි පෙහෙලි කිරීම් සම්බන්ධයෙන් වාර්තා වී ඇති සිදුවීම් සංඛ්‍යාව 52ක්. ඉන් වැඩිම සිදු වීම් සිදුව ඇත්තේ නැගෙනහිර පළාතේය ීඑම සංඛ්‍යාව 21ක්. නැගෙනහිර පළාතේ පමණක් භූමි අක්කර 22,500කට විවිධ පුද්ගලයින් හානි කර තිබෙනවා. උතුරු මැද පළාතෙන් නීති විරෝධීව රක්ෂිත එළි පෙහෙලි කිරීමේ සිද්ධීන් 17ක් වාර්තා වී ඇති අතර හානි කර ඇති භූමි ප්‍රමාණය අක්කර 21,000ක්. උතුර, ඌව සහ සබරගමුව යන පළාත්වලින් ද නීති විරෝධී ලෙස රක්ෂිත එළි පෙහෙලි කිරීම් සම්බන්ධයෙන් වාර්තා වී තිබෙනවා.
2020 වර්ෂය සිට ගත් කළ ඉකුත් මාර්තු 11වනදා දක්වා කාලය තුළ නීති විරෝධී ලෙස රක්ෂිත එලි පෙහෙලි කිරීමේ සිදුවීම් 270ක් වාර්තා වී ඇති අතර හානි වී ඇති භූමි ප්‍රමාණය අක්කර 62,000ක්.
(Neth)