දඩ මුදල් ගෙවීමට නොහැකිව බන්ධනාගාර ගතව සිටින සියලු සිරකරුවන් ජනාධිපතිවරයා විසින් විශේෂ රාජ්‍ය සමාවක් යටතේ නිදහස් කිරීමට පියවර ගෙන තිබෙනවා.
බන්ධනාගාර ආශ්‍රිතව ඇතිවී තිබෙන කොවිඩ් -19 වෛරස ව්‍යාප්තිය පිළිබඳව සැලකිල්ලට ගනිමින් ඇතිවී තිබෙන තදබදය අවම කිරීම සම්බන්ධයෙන් ගනු ලැබූ තීරණයක් අනුව මෙම පිරිසට ජනාධිපතිවරයාගේ විශේෂ සමාව හිමිවූ බවයි බන්ධනාගාර ආරංචි මාර්ග සඳහන් කළේ.
ඒ අනුව එම සිරකරුවන්ට අද (09) දිනයේ දීම නිදහස හිමිවන බව බන්ධනාගාර දෙපාර්තමේන්තුවේ මාධ්‍ය ප්‍රකාශක, චන්දන ඒකනායක ප්‍රකාශ කර සිටියේ.
(Neth)