සෞඛ්‍ය සේවා නියෝජ්‍ය අධ්‍යක්‍ෂ ජනරාල් විශේෂඥ වෛද්‍ය හේමන්ත හේරත් මහතා පවසන්නේ සෞඛ්‍ය බලධාරීන්ගේ උපදෙස් මත කොවිඞ් – 19 වෛරසයෙන් මියයන පුද්ගලයන්ගේ මෘත දේහ ගැසට් නිවේදනයට අනුකූලව තවදුරටත් ආදාහනය කරන බවයි.
මාධ්‍යය කළ විමසීමකට අනුව තවදුරටත් අදහස් දක්වමින් සෞඛ්‍ය සේවා නියෝජ්‍ය අධ්‍යක්‍ෂ ජනරාල්වරයා පවසා සිටියේ
‘‘ශ්‍රි ලංකාවේදී කොවිඞ් – 19 වෛරසයෙන් මියයන පුද්ගලයකුගේ මෘත දේහ තවදුරටත් ආදාහනය කෙරෙන ක්‍රමවේදයේ වෙනසක් කරනවා නම් සෞඛ්‍ය ඇමැතිතුමිය ඒ සම්බන්ධයෙන් මැදිහත් වී එම ආදාහනය කිරීමට අදාළ ගැසට් නිවේදනය සංශෝධනය කළ යුතුයි.
ලෝක සෞඛ්‍ය සංවිධානයෙන් දැනුම් දී තිබෙන්නේ ඒ ඒ රටවල් තම රටට ගැළපෙන ක‍්‍රමවේදයක් සකස් කරගෙන කොවිඞ් 19 මරණවලට අදාළ අවසන් කටයුතු සිදුකළ යුතුයි කියලයි. ඒ අනුව කොවිඞ් 19 වෛරසයෙන් මියගිය කෙනෙකුගේ අවසන් කටයුතු තවදුරටත් ආදාහනය කරනු ලබනවා.” යනුවෙනි.
(Lanka Leads)