අලුතින් සතොස වෙළඳ මධ්‍යස්ථාන 150ක් පිහිටුවීමට රජය තීරණය කර ඇතැයි වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන ඇමැති වසන්ත සමරසිංහ මහතා පාර්ලිමේන්තුවේදී ඊයේ (19) පැවසීය.
වෙළඳපොළ සමීක්ෂණයක් කර අලුතින් ඉදිකළ යුතු වෙළඳසැල් කුමන ස්ථානවල ඉදිකළ යුතුද යන්න හඳුනා ගන්නා බව ද වසන්ත සමරසිංහ මහතා සඳහන් කළේය.
වත්මන් ආණ්ඩුව සතොස ආයතනය භාර ගන්නා විට රුපියල් කෝටි 2,200ක පාඩුවක් සිදුව තිබූ බව ද ඇමැතිවරයා පෙන්වා දුන්නේය.