සිරගත සිටින රන්ජන් රාමනායක මහතා නිදහස් කර ගැනීම වෙනුවෙන් අද (10) සමඟි ජන බලවේගයේ පාර්ලිමේන්තු මන්ත්‍රීවරු ඇතුළු පිරිසක් මෙරට එක්සත් ජාතීන්ගේ සංවිධානයේ නියෝජිතවරිය වෙත සන්දේශයක් භාර දෙන ලදී.
රාමනායක මහතාට නිදහස ලබා දීම සම්බන්ධයෙන් ජනාධිපතිවරයාගේ සැලකිල්ලක් නොමැති වීම නිසා මෙලෙස ඔහුව නිදහස් කරගැනීම වෙනුවෙන් මැදිහත් වන බවයි එහිදී මාධ්‍ය වෙත අදහස් දැක්වූ පාර්ලිමේන්තු මන්ත්‍රී මුජිබර් රහුමාන් මහතා පැවසුවේ.
රාමනායක මහතා සිරගත වී සිටින්නේ අපරාධ හෝ දුෂණ වංචා වලට හෝ සම්බන්ධ වී නොව අදහස් ප්‍රකාශ කිරීමේදී අධිකරණයට අපහාසයක් සිදුව ඇති බවට වන චෝදනාව මත බවයි මන්ත්‍රීවරයා කියා සිටියේ.
අපරාධ වලට සම්බන්ධ නොවුණු දේශපාලනඥයෙක් ලෙස රන්ජන් රාමනායක මහතාට පොදු සමාව දිය හැකි වුවත් ජනාධිපතිවරයා ඒ ගැන අවධානය යොමුකරන බවක් දක්නට නොමැති බව රහුමාන් මහතා ප්‍රකාශ කළේය.
(LNW)