ඉදිරි ජනාධිපතිවරණය ඇතුළු මැතිවරණ ඉලක්ක කර ගනිමින් නව සන්ධානයක් බිහි කිරීමට එක්සත් ජාතික පක්ෂය සූදානම් වනවා. අගෝස්තු 05 වැනිදා ඊට අදාල ගිවිසුම් අත්සන් කිරීමට නියමිත අතර ඒ සඳහා හවුල්කාර පක්ෂ රැසක් සමග එකඟතාවයකය පැමිණ ඇති බවයි එජාප මහ ලේකම් අකිල විරාජ් කාරියවසම් ඇමතිවරයා පවසන්නේ.
ඒ අනුව ඉදිරි ජනාධිපතිවරණයට අලුතින් පිහිටුවන සන්ධානයෙන් අපේක්ෂකයෙකු ඉදිරිපත් කිරීමට නියමිත අතර එම අපේක්ෂකයා එක්සත් ජාතික පාක්ෂිකයෙකු වන බව ද කාරියවසම් මහතා පවසයි.
මේ වනවිට එජාපයේ ජනාධිපති අපේක්ෂකයා සම්බන්ධයෙන් නම් කිහිපයක් සඳහන් වන අතර ඊට අමතරව එජාපයට පිටස්තර අපේක්ෂකයන් කිහිප දෙනෙකු සම්බන්ධයෙන්ද කතාබහක් පවතිනවා.
(LNW)