බ්‍රිතාන්‍යයේ දෙවන එළිසෙබෙත් මහ රැජිණගේ මරණය ලොවට ප්‍රකාශ කළ වේලාවට පැය 03 කට පමණ පෙර ඇය මියගොස් සිටි බව අනාවරණවී තිබෙනවා. ඒ, මහ රැජිණගේ මරණ සහතිකයෙන්.
මහ රැජිණ සැප්තැම්බර් 08 වනදා සවස 3.10 ට මියගොස් සිටි බව එහි දැක්වෙනවා. කෙසේවෙතත් බකින්හැම් මාළිඟය රැජිණගේ මරණය නිල වශයෙන් ප්‍රකාශයට පත් කළේ සවස 6.30 ටයි. ඒ වන විට මහ රැජිණ 96 හැවිරිදි වියේ පසුවුණා.
දෙවන එළිසෙබෙත් මහ රැජිණගේ මරණ සහතිකය මේ වන විට මාධ්‍යයට නිකුත්වී ඇති අතර එහි මරණයට හේතුව ලෙස දක්වා ඇත්තේ වයෝවෘද්ධභාවයට පත්වීමයි.
කෙසේවෙතත් වයෝවෘද්ධභාවයට පත්වීම ලෙස පමණක් මරණ සහතිකයේ මරණයට එකම හේතුව ලෙස සාමාන්‍යයෙන් ප්‍රකාශයට පත් නොවන බවයි විදෙස් මාධ්‍යයන්හි දැක්වෙන්නේ.
Neth