රුපියල් 10,000 දක්වා වැඩි කළ මහපොළ ශිෂ්යත්ව දීමනාව අද (10) සිට බැංකු ගිණුම් වෙත බැර කරන බව ලලිත් ඇතුලත්මුදලි මහපොළ උසස් අධ්යාපන ශිෂ්යත්ව භාර අරමුදලේ සභාපති විශ්රාමික විනිසුරු විජිත් මළල්ගොඩ මහතාගේ නිවේදනයක් නිකුත් කරමින් සඳහන් කරයි.
2026 අයවැය යෝජනා අනුව වැඩි කළ ලලිත් ඇතුලත්මුදලි මහපොළ උසස් අධ්යාපන ශිෂ්යත්ව භාර අරමුදල (MTF) විසින් විශ්වවිද්යාල සිසුන් සඳහා පිරිනමනු ලබන මාසික මහපොළ ශිෂ්යත්ව දීමනාව ජනවාරි මාසයේ සිට බලාත්මක කර තිබේ.
ඒ අනුව මීට පෙර පැවති රු. 7,500 ක මහපොළ ශිෂ්යත්ව දීමනාව රු. 10,000 දක්වා වැඩිකර ඇත.
2026 ජනවාරි මාසයට අදාළ රු. 10,000 ක ශිෂ්යත්ව දීමනාව අද සිට අදාළ සිසුන්ගේ බැංකු ගිණුම් වෙත බැර කිරීමට කටයුතු යොදා ඇතිි බව එම නිවේදනයේ වැඩිදුරටත් සඳහන් වේ.