Friday, March 29, 2024
Follow Us
භාණ්ඩ රැසක ආනයන සීමා ඉවතට

මේ වන විට ආනයන සීමා පනවා ඇති භාණ්ඩ වලින් 300 – 400 ත් අතර ප්‍රමාණයක ආනයන සීමා ලබන සතියේදී ඉවත් කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

රුවන්වැල්ල ප්‍රදේශයේදී මාධ්‍ය වෙත අද (02) අදහස් දක්වමින් අමාත්‍යවරයා මේ බව ප්‍රකාශ කළේය.

එහිදී අමාත්‍යවරයා ප්‍රකාශ කළේ මේ වන විට ඩොලර් ඉල්ලුමට සාපේක්ෂව සැපයුම වැඩිවීම හේතුවෙන් ඩොලරය ශක්තිමත් වීම පදනම් කරගෙන මෙම ආනයන සීමා ලිහිල් කිරීම සිදුවන බවයි.

 කෙසේ වෙතත් දේශීය ආර්ථිකයට බලපෑමක් වන දේශිය වශයෙන් නිපදවන භාණ්ඩ ආනයන සීමා ඉවත් කිරීමේ අදහසක් නොමැති බවද අමාත්‍යවරයා වැඩිදුරටත් පැවසීය.