යළි අමාත්‍යධූර භාර නොගැනීමට තීරණය කළ මුස්ලිම් කොංග‍්‍රසයේ මන්තී‍්‍රවරුන් අද (22) දිනයේ අග‍්‍රාමාත්‍ය රනිල් වික‍්‍රමසිංහ මහතා හමුවීමට අපේක්ෂා කරනවා.
ඒ, සිය තීරණය සම්බන්ධයෙන් අග‍්‍රාමාත්‍යවරයා දැනුවත් කිරීමටයි. ඊයේ (21) රැස්වූ මුස්ලිම් කොංග‍්‍රසයේ උත්තරීතර මණ්ඩලය යළි අමාත්‍යධූර භාර නොගෙන ආණ්ඩුවට කොන්දේසි මාලාවක් ඉදිරිපත් කිරීමට තීරණය කර තිබුණා.
ඒ, පාස්කු ඉරිදා ප‍්‍රහාරයෙන් පසු නැගෙනහිර පළාතේ මුස්ලිම් වැසියන් මුහුණ දෙන ගැටලු ඇතුළු කරුණු කිහිපයක් සඳහා විසඳුම් ලබා ගැනීමටයි.
ඒ අනුව එම කොන්දේසි මාලාව සම්බන්ධයෙන් අද දිනයේ අග‍්‍රාමාත්‍යවරයා දැනුවත් කිරීමට තීරණය කර ඇති බව ශ්රී ලංකා මුස්ලිම් කොංග‍්‍රසයේ පාර්ලිමේන්තු මන්තී‍්‍ර එච්. එම්. එම්. හාරිස් නෙත් නිවුස් වෙත ප‍්‍රකාශ කළා. අග‍්‍රාමාත්‍යවරයා හමුවීමට පෙර අමාත්‍යධූර අත්හල සෙසු මුස්ලිම් මන්තී‍්‍රවරුන් සමග ද සාකච්ඡා කරන බවයි ඔහු ප‍්‍රකාශ කළේ.
(Neth)