ජල ගැලීම් තත්ත්වයක් හේතුවෙන් පුත්තලම මාර්ගයේ දුම්රිය ධාවනය හලාවත දුම්රිය ස්ථානය දක්වා සීමාකළ බව දුම්රිය දෙපාර්තමේන්තුව සඳහන් කරයි.
පවතින අයහපත් කාලගුණ තත්ත්වය හේතුවෙන් පුත්තලම දුම්රිය මාර්ගය, තිල්අඩි ප්රදේශයෙන් ස්ථාන කිහිපයක් ජලයෙන් යටවී ඇති බව අද (13) පස්වරුවේ නිකුත් කළ නිවේදනයේ දැක් වේ.
ජල මට්ටම තවදුරටත් වැඩි වෙමින් පවතින බවත්, ඒ හේතුවෙන් අද සවස සහ (14) හෙට දින පුත්තලම දුම්රිය මාර්ගයේ දුම්රිය ධාවනය හලාවන දුම්රිය ස්ථානය දක්වා සීමාකර තිබේ.
ඒ අනුව අද දින පුත්තලම කාර්යාල දුම්රිය සහ අනෙකුත් සියලු දුම්රියන් කොළඹ කොටුව සිට හලාවත දක්වා පමණක් ධාවනය කරන අතර, හෙට දින උදෑසන එම දුම්රියන් හලාවත දුම්රිය ස්ථානයෙන් ගමන් ආරම්භ කෙරේ.