ශ්රී ලංකා යුද්ධ හමුදා බුද්ධි අංශය වෙත ලද තොරතුරක් මත ජයවර්ධනපුර පොලිස් විශේෂ කාර්ය බලකායේ නිලධාරීන් සමඟ ඊයේ(06) ගාල්ල, හබරාදූව සංචාරක ලැඟුම්හල තුළ දී සිදු කළ ඒකාබද්ධ වැටලීමක දී රුපියල් ලක්ෂ 120ක් පමණ වටිනාකමකින් යුත් මත්ද්රව්ය තොගයක් සොයාගෙන තිබේ.
කොකේන් ග්රෑම් 280 මිලිග්රෑම් 150ක්, හෑෂ් ග්රෑම් 100 මිලිග්රෑම් 10ක් සහ TCH ග්රෑම් 40ක් සමඟ විදේශීය ජාතිකයෙකු අත්අඩංගුවට ගෙන ඇති අතර ඔහු සන්තකයේ තිබී ඇමරිකන් ඩොලර් 10ක්, යුරෝ 250ක් සහ දේශීය මුදල් 17,570.00ක් ද මෙහිදී සොයාගෙන ඇත.