පසුගිය වසර 15ක කාලය තුළ ශ්රී ලංකාවේ පුද්ගලයෙකුගේ සාමාන්ය ආයු අපේක්ෂාව ඉහළ ගොස් ඇති අතර සෞඛ්ය අමාත්යාංශයේ ජාතික ප්රතිශක්තිකරණ වැඩසටහනේ සාර්ථකත්වය එයට ප්රධානතම හේතුව වී ඇති බව වසංගත රෝග විද්යා ඒකකය සදහන් කරයි.
මෙම වැඩසටහන යටතේ කුඩා දරුවන්ට ලබා දෙන දෛනික එන්නත් මඟින් රෝග රැසක් සාර්ථකව පාලනය කිරීමට හැකි වී ඇති බව වසංගත රෝග විද්යා ඒකකයේ ප්රධාන වසංගත රෝග විද්යාඥ වෛද්ය පාලිත කරුණාපේම මහතා සඳහන් කළේය.
අප්රේල් 24 සිට 30 දක්වා යෙදෙන ලෝක ප්රතිශක්තිකරණ සතිය නිමිත්තෙන් සෞඛ්ය ප්රවර්ධන කාර්යාංශයේ පැවති මාධ්ය හමුවකදී වෛද්යවරයා මේ බව ප්රකාශ කළේය.
මෙම ක්රමානුකූල එන්නත්කරණ වැඩපිළිවෙළ හේතුවෙන් පසුගිය දශක එකහමාරක කාලය තුළ ශ්රී ලංකාවේ ළමා මරණ අනුපාතය සැලකිය යුතු ලෙස පහත වැටී ඇති අතර එය ජාතික ආයු අපේක්ෂාව ඉහළ නැංවීමට සෘජුවම දායක වී තිබේ. ශ්රී ලංකාව කලාපයේ අනෙකුත් රටවලට සාපේක්ෂව සෞඛ්ය දර්ශක අතින් ඉදිරියෙන් සිටීමට මෙම සාර්ථක රාජ්ය සෞඛ්ය මැදිහත්වීම ඉවහල් වී ඇති බව වෛද්ය කරුණාපේම මහතා අවධාරණය කළේය.