උපරිමාධිකරණ සංකීර්ණය තුළ ලබා දෙන තීන්දු තීරණ, මෙරට යුක්තියේ ස්වභාවය, ප්රජාතන්ත්රවාදය සහ නීතියේ ආධිපත්යය මැනවින් පිළිබිඹු කරන කැඩපතක් බව අග්රාමාත්ය ආචාර්ය හරිනි අමරසූරිය ප්රකාශ කළාය.
චීන රජයේ ආධාර මත නවීකරණය කරන ලද උපරිමාධිකරණ සංකීර්ණය අධිකරණ කටයුතු සඳහා යළි ලබා දීමේ අවස්ථාවට එක්වෙමින් අග්රාමාත්යවරිය මේ බව සඳහන් කළාය.
මහජන චීන සමූහාණ්ඩුවේ වාණිජ අමාත්යාංශය, මෙරට අධිකරණ අමාත්යාංශය සහ චීන ජාත්යන්තර සහයෝගිතා නියෝජිතායතනය අතර ඇති කරගත් ගිවිසුමකට අනුව මෙම ප්රතිසංස්කරණ කටයුතු සිදු කෙරිණි.
මෙහිදී වැඩිදුරටත් අදහස් දැක්වූ අග්රාමාත්ය ආචාර්ය හරිනි අමරසූරිය,
1988 වසරේදී චීන රජයේ සහයෝගයෙන් ඉදිවූ මෙම සංකීර්ණය, දශක තුනකට පසු කාලීන අවශ්යතා මත මෙලෙස නවීකරණය කිරීම අතිශය වැදගත් පියවරක්.
අධිකරණ යටිතල පහසුකම් සඳහා කරන ආයෝජනය යනු සැබවින්ම මහජන විශ්වාසය වෙනුවෙන් කරන ආයෝජනයක්. සුරක්ෂිත සහ කාර්යක්ෂම පරිසරයක් මඟින් අධිකරණයේ ස්වාධීනත්වය සහ ගෞරවය තවදුරටත් ශක්තිමත් වෙනවා,