දිට්වා සුළි කුණාටුව හේතු කොටගෙන ආපදාවට පත් වූ ජනතාවට සහන සලසන බවට ප්රකාශ කරමින් සහ ආපදාවට පත්වූවන්ගේ පුද්ගලික තොරතුරු රැස් කරමින් කෙටි පණිවිඩ රාශියක් WhatsApp, Facebook ඇතුළු සමාජ මාධ්ය ජාලා ඔස්සේ සංසරණය වන බවට නිරීක්ෂණය වී ඇත.
කාන්තා සහ ළමා කටයුතු අමාත්යංශය විසින් පශ්චාත් ආපදා සහන සේවා සැපයීම සඳහා අවශ්ය දත්ත රැස්කිරීම දිස්ත්රික් ලේකම් කාර්යාල, ප්රාදේශීය ලේකම් කාර්යාල සඳහා අනුයුක්ත කර ඇති අප ක්ෂේත්ර නිලධාරීන් සහ ග්රාම නිලධාරීන් හරහා විධිමත්ව සිදුකරන බැවින් මෙවන් ව්යාජ පණිවිඩ සඳහා නොරැවටෙන ලෙසත් එවන් පාර්ශව වෙත තම පුද්ගලික තොරතුරු හුවමාරු කිරීමේන් වැළකී සිටින ලෙසත් මහජනතාව වෙත දැනුම් දී තිබේ.
තවද රටක් ලෙස සියලු ජනතාව දුෂ්කර තත්ත්වයකට මුහුණ දෙමින් සිටින කාල පරාසයක් තුළ ඔවුන් නැවත වරක් වින්දිතයින් බවට පත්කිරීම වැළැක්වීමේ අරමුණින් එවන් වංචනික ක්රියා සහ ජාවාරම් සිදු කරන පුද්ගලයන් සඳහා නීතිමය ක්රියාමාර්ග ගැනීමට කාන්තා සහ ළමා කටයුතු අමාත්යාංශය කටයුතු කරන බවත් අවධාරණය කරයි.