හික්කඩුව ප්‍රාදේශීය ලේකම් කොට්ඨාසයට අයත් තුඩුවේගොඩ ඇළ ප්‍රතිසංස්කරණය කිරීමේ යෝජනාවට දිස්ත්‍රික් සම්බන්ධීකරණ කමිටුවේ අනුමැතිය හිමිව තිබේ.
කිලෝමීටර් 1.9ක් දිග මෙම ඇල මාර්ගය හික්කඩුවෙන් ආරම්භ වී හික්කඩුව කලපුවෙන් අවසන් වේ. මෙම ඇල්මාර්ගය කිසිදු කෘෂිකාර්මික කටයුත්තක් සඳහා භාවිතා නොකරන අතර ප්‍රදේශයේ ජල ගැලීම් අවම කිරීම සඳහා දායක වෙයි. එය අද වන විට අපද්‍රව්‍ය හා අප ජලය බැහැර කරන මාර්ගයක් බවට ඇළ මාර්ගය පත්ව තිබේ.
හික්කඩුව නගර ආසන්නයේ පවතින මෝය කටෙහි වැලි පිරී පැවතීම නිසා සහ ඇලෙහි ජල මට්ටම මුහුදු මට්ටමට වඩා පහලින් පිහිටීම නිසා ජලය මුහුදට බැස යෑම අසීරු වී තිබේ. හික්කඩුව සංචාරක පුරවරයක් නිසා මෙම ඇල මාර්ගය කඩිනමින් පිළිසකර කළ යුතුව ඇත .2021 වසරේදී ද මෙම ඇල මාර්ගය පළාත් වාරිමාර්ග දෙපාර්තමේන්තුව විසින් ප්‍රතිසංස්කරණය කර ඇත.
මෙම ඇල මාර්ගය ප්‍රතිසංස්කරණය සඳහා රුපියල් මිලියන 500ක මුදලක් ඇස්තමේන්තු ගත කර ඇති බව දිස්ත්‍රික් සම්බන්ධිකරඛ කමිටුවේ සාකච්ඡාවට ලක් විය.ඒ අනුව ඇල මාර්ගය මුහුදට සම්බන්ධ වන ස්ථානයේ ගල් වැටියක් යොදා ඇල මාර්ගය මුහුදට විවෘත කීරීම ඇල ඉවුරු සංරක්ෂණය කිරීම,භාවිතයට නොගන්නා අබලි ඉදිකිරිම් ඉවත් කර බෝට්ටු ධාවනය කළ හැකි වන සේ ඇල මාර්ගය හා දෙපස නඩත්තු කරමින් සංචාරකයිනට ගමන් කළ හැකි මාර්ගයක් ඉදි කිරීමටත් මෙම ප්‍රතිසංස්කරණ යටතේ යෝජිතය .එමෙන්ම හික්කඩුව මෝය අසළ සිට බද්දෙගම පාර දක්වා කොටසෙහි ජලය නොරැඳෙන ලෙස සකස් කිරීමට රුපියල් මිලියන 200ක පමණ මුදලක් ඇස්තමේන්තුගත කර තිබේ.