පාර්ලිමේන්තුවේ 225 දෙනාම එකට එකතු වී දූෂිත වංචාකාරි ක්‍රිකට් පරිපාලනය වෙනස් විය යුතු බවට යෝජනාවක් සම්මත කළත් හිටපු පත් කරපු අන්තර්වාර කමිටුව ක්‍රීඩා ඇමැතිවරයා ඉල්ලා අස්කර ගත් නිසා නැවතත් ක්‍රිකට් පරිපාලනය දූෂිත කල්ලිය අතට ගොස් ඇති බව විපක්ෂ නායක සජිත් ප්‍රේමදාස මහතා පසුගියදා පාර්ලිමේන්තුවේදී පැවසීය.
තවදුරටත් විපක්ෂ නායකවරයා මෙසේ ද පැවසීය.
විගණන වාර්තාවෙන්, කුසලා සරෝජනී වාර්තාවලින් පවා එය සනාථ වී ඇති බැවින් 225 දෙනාම එකඟ වූ දූෂිත ශ්‍රී ලංකා ක්‍රිකට් පරිපාලනය ඉවත් කිරීමේ යෝජනාව ක්‍රියාත්මක කරවන ලෙස ඉල්ලා සිටිනවා. මණ්ඩලය පුද්ගලයන් 3 දෙනකුගේ කොමිසමකින් අධිරාජ්‍යවාදී සමයේ එඩ්වඩ් හෙන්රි ප්‍රේද්‍රිස් ඝාතනය සම්බන්ධයෙන් සොයා බලන්න කමිටුවක් පත් කිරීම සතුටට කරුණක්.
Dinamina