Wednesday, December 07, 2022
Follow Us
අයවැයෙන් ජනතා සහන නැති තැන රනිල්ට දැන් හීනෙනුත් අරගලය පේන්න අරන්

අයවැය කාරක සභා විවාදය අතරතුර ජනධිපතිවරයා නැගිට වරින් වර අරගලයට පහරදෙන්නට පටන් ගෙන තිබෙන අතර එසේ සිදුවන්නේ අයවැයෙන් ජනතා සහන නොමැති නිසා අරගලයක් මඟ එන බව ඔහුගේ දේශපාලන අත්දැකීම් අනුව පෙනෙන න්නිස යැයි පාර්ලිමේන්තු මන්ත්‍රී ඩිලාන් පෙරේරා මහතා පැවසුවේය.

ඒ, අද (25) නිදහස ජනතා සභාව විසින් පැවැත්වූ මාධ්‍ය හමුවේදීය.

ජනාධිපතිකම තමන් ඉල්ලා ගත් එකක් බව වික්‍රමසිංහ මහතා පාර්ලිමේන්තුවේදී පැවසුවද එසේ නම් එදා ඩලස් අලහප්පෙරුම සහ අනුර දිසානායක සමඟ ඊට තරඟ කළේ ඇයිද යන්න මන්ත්‍රීවරයා විමසා සිටියේය.

එවැනි පසුබිමක ජනාධිපතිකම තමන් ඉල්ලා ගත් දෙයක් නොවන බවට ප්‍රකාශ කිරීමේ අයිතියක් රනිල් වික්‍රමසිංහ මහතාට නොමැති බවයි හෙතෙම පැවසුවේ.

එදා ඩලස් අලහප්පෙරුම මහතා වෙත ජන්දය දීමට පක්ෂ එකඟතාව ලැබී තිබියදීත් යටින් දැල කපා මන්ත්‍රීවරු බිලිබා ගත්තේ අකමැත්තෙන් ජනාධිපති වීමටද යන්න පිළිතුරු දිය යුතු බව ඩිලාන් පෙරේරා මහතා අවධාරණය කරන ලදී.

LNW