ශ්‍රී ලංකා නිදහස් පක්ෂයේ මන්ත්‍රීවරුන් තිදෙනෙක් හා පොදු ජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා අතර හමුවක් අද(03) රාත්‍රියේ පැවැත් විමට නියමිත බව ශ්‍රී ලංකා නිදහස් පක්ෂ මාධ්‍ය ප්‍රකශක පාර්ලිමේන්තු මන්ත්‍රී වීරකුමාර දිසානායක මහතා පවසයි.
ඒ අනුව පාර්ලිමේන්තු මන්ත්‍රීවරුන් වන මහින්ද අමරවීර, දයාසිරි ජයසේකර හා ලසන්ත අලගියවන්න මහත්වරුන් අද මෙම හමුවට එක්වනු ඇත.
මේ අතර අද කොළඹ දී පැවති ශ්‍රී ලංකා නිදහස් පක්ෂයේ මාධ්‍ය හමුවකට එක්වෙමින් පාර්ලිමේන්තු මන්ත්‍රී මහින්ද අමරවීර මහතා පවසා සිටියේ ද අද සවස ගෝඨාභය රාජපක්ෂ මහතා හමුවීමට නියමිත බවයි.
ගෝඨාභය රාජපක්ෂ මහතා සමඟ මෙතෙක් සාකච්ඡාවට ගැණුනේ ප්‍රතිපත්තිමය කරුණු වන බවත් පැවසු අමරවීර මහතා, කලින් එකඟතාවයේ තිබුණත් මෙවර නව මැතිවරණ ක්‍රමයක් ගැන ද යෝජනා කළ බව පැවසීය.
(Lanka Leads)