ආයතන කිහිපයක් එළඹෙන දිනවලදී පොදු ව්‍යාපාර පිළිබද කාරක සභාව හෙවත් කෝප් කමිටුවට කැදවා තිබෙනවා.
පසුගිය සභාවාරයේදී කැඳවීමට නියමිතව තිබූ එහෙත් කැඳවීමට නොහැකි වූ ආයතන ද මේ අතර වන බවයි පාර්ලිමේන්තු සන්නිවේදන දෙපාර්තමේන්තුව සඳහන් කළේ.
ඒ අනුව භූ විද්‍යාව හා පතල් කැණීම් කාර්යාංශය, ශ්‍රී ලංකා ප්‍රමිති ආයතනය, සංවර්ධන ලොතරැයි මණ්ඩලය, පරිසර ආරක්ෂණ අධිකාරිය, රාජ්‍ය උකස් හා ආයෝජන බැංකුව සහ අපනයන සංවර්ධන මණ්ඩලය ද කෝප් කමිටුව හමුවට කැඳවීමට නියමිතයි.
9 වැනි පාර්ලිමේන්තුවේ දෙවැනි සභාවාරයට අදාළව නව සභාපතිවරයා ලෙස පාර්ලිමේන්තු මන්ත්‍රී මහාචාර්ය චරිත හේරත් ඉකුත්දා නැවත තේරී පත්වුණා.
(Neth)