“Celebrity Tapeball League 2026” තරඟාවලිය ශ්‍රී ලංකාවේ දී පැවැත්වීමට සැලසුම් කර ඇති බව නිල වශයෙන් ප්‍රකාශ කිරීම පසුගියදා තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ අමාත්‍යවරයාගේ ප්‍රධානත්වයෙන් සුගතදාස ගෘහස්ත ක්‍රීඩා සංකීර්ණයේ දී පැවැත්විණි.
ශ්‍රී ලංකා ටේප්බෝල් (Sri Lanka Tapeball - SLT) සහ ඇමරිකාවේ ප්‍රමුඛ ක්‍රීඩා ආයතනයක් වන Super Sixty එක්වී 2026 ආරම්භයේදී ශ්‍රී ලංකාවේ දී මෙම අභ්‍යන්තර තරඟාවලිය පැවැත්වීමට මෙහිදී එකඟත්වය පළ කරන ලදී.
ශ්‍රී ලංකාව, ඉන්දියාව, පකිස්ථානය සහ බංග්ලාදේශය යන රටවල්හි ජනප්‍රිය නළු නිළියන්, ක්‍රීඩක ක්‍රීඩිකාවන්ගෙන් මෙම තරඟාවලිය සමන්විත වන අතර මෙම තරඟාවලියේ අරමුණ වන්නේ සංචාරක ක්‍රීඩා ක්ෂේත්‍රය (Sport tourism) ප්‍රවර්ධනය කිරීම සහ ටේප්බෝල් (Tapeball) ක්‍රීඩාව ප්‍රචලිත කිරීමයි.
මෙම අවස්ථාවට ශ්‍රී ලංකා ටේප්බෝල් සභාපති ජනත් පුංචිහේවා, Super Sixty (USA) ආයතනයේ ආරම්භක හා නායක අෂ්හාර් කාස්මි (Azhar Qasmi),පකිස්ථාන ක්‍රිකට් හි පූර්ව නායක මොඉන් ඛාන් (Moin Khan), චිත්‍රපට නළු සඋද් (Saud), ප්‍රසිද්ධ ක්‍රීඩක නබීල් හෂ්මි (Nabeel Hashmi) ශ්‍රී ලංකා ටේප්බෝල් ජ්‍යෙෂ්ඨ උපසභාපති දුමිදු හේමල්, ශ්‍රී ලංකා ටේප්බෝල් ප්‍රධාන ලේකම් රුචිනි ලියනගේ සහභාගී විය.