වියට්නාමයේ නිල සංචාරයක නිරත ජනාධිපති අනුර කුමාර දිසානායක මහතා අද (04) අලුයම වියට්නාමයේ නොයි බායි ජාත්‍යන්තර ගුවන්තොටුපොළ වෙත පැමිණ තිබේ.
වියට්නාම ජනාධිපති ලුඕං කුඕංගේ ආරාධනයක් අනුවය එරට සංචාරයකට එක් වූ ජනාධිපතිවරයා අද දින සිට එළැඹෙන 06 වැනි දින දක්වා වියට්නාමයේ රාජ්‍ය සංචාරයක නිරත වෙනු ඇත.
නොයි බායි ජාත්‍යන්තර ගුවන්තොටුපොළේදී ශ්‍රි ලංකා ජනාධිපතිවරයා සහ දූත පිරිස වියට්නාම විදේශ කටයුතු නියෝජ්‍ය අමාත්‍ය නූයෙන් මන් කුඕං, ජනවාර්ගික හා ආගමික කටයුතු නියෝජ්‍ය අමාත්‍ය නොං ති හා, ශ්‍රී ලංකාවේ වියට්නාම තානාපති ට්‍රින් ති ටම් සහ වියට්නාමයේ ශ්‍රී ලංකා තානාපතිවරයා ඇතුළු පිරිසක් විසින් පිළිගනු ලැබීය.
වියට්නාම මාධ්‍ය වාර්තා කර ඇත්තේ 1970 වසරේ දී ආරම්භ වූ වියට්නාම - ශ්‍රී ලංකා රාජ්‍ය තාන්ත්‍රික සබඳතා අනුව 2009 වසරෙන් පසුව වසර 16කට පසු ශ්‍රී ලංකා නායකයෙකු වියට්නාමයට සංචාරය කරනු ලබන පළමු අවස්ථාව මෙය යන බවය.එමෙන්ම ජනාධිපතිවරයා 2024 සැප්තැම්බර් මාසයේ බලයට පත්වීමෙන් අනතුරු අග්නිදිග ආසියාවේ සිදු කරන පළමු සංචාරයද මෙය වන බව එම මාධ්‍ය වාර්තාවල සඳහන්ව තිබේ.
දෙරට අතර සාම්ප්‍රදායික මිත්‍රත්වයක් සහ බහුවිධ සහයෝගීතාවයක් ඇත. ශ්‍රී ලංකාවේ දේශපාලන පක්ෂ වියට්නාමය සමඟ අනුකම්පාව දක්වන අතර, ශ්‍රී ලංකාවට ඉගෙන ගත හැකි ආර්ථික සංවර්ධනයේ සාර්ථක ආදර්ශයක් ලෙස වියට්නාමය සලකයි. ශ්‍රී ලංකාව වියට්නාමය පූර්ණ වෙළඳපල ආර්ථිකයක් ලෙස පිළිගෙන තිබෙන බව ද වාර්තා වෙයි.