මේ වනවිට පවතින කොරෝනා වෛරස ව්යාප්තිය හේතුවෙන් සෞඛ්ය නිර්දේශ මත වසා දමා ඇති ප්රදේශවල හා නිරෝධායන ඇඳිරි නීතිය බලපැවැත්වෙන ප්රදේශවල මෙන්ම විවිධ ප්රයෝගික තත්ත්වයන් හමුවේ තැපැල් කාර්යාල විවෘත කිරීමට නොහැකි ප්රදේශ වල පොලිස් රථ වාහන අංශ විසින් නිකුත් කර ඇති ස්ථානීය දඩපත් සඳහා වූ ගෙවීම් කිරීමට නොහැකි වී ඇත.
මෙමගින් අපහසුතාවයට පත් වූ ජනතාවට සහන සැලසීමට පොලිස්පති සහ තැපැල්පති කරන ලද නිර්දේශයන් අනුව රථවාහන ස්ථානීය දඩපත් ගෙවීමට සහන කාලයක් ලබා දීම සඳහා මුදල් අමාත්යාංශ ලේකම්ගේ අනුමැතිය ලැබී ඇත.
ඒ අනුව කොවිඩ් 19 දෙවන රැල්ල හේතුවෙන් කාර්යාල කටයුතු නතර කිරීමට කටයුතු කළ දින සිට දිවයින පුරා සංචරණ සීම ඉවත් කරන දින දක්වා වූ දින ගණන අතහැර, වරද කළ දින සිට දින ගණනය කර දඩ ගෙවීමට අතිරේක කාලයක් ලබා දීම සිදු කෙරේ.
(Aruna)