ශ්‍රී ලංකා රේගුව විසින් රාජසන්තක කරන ලද මෝටර් රථ රජයේ ආයතන වෙත නිදහස් කිරීමට මුදල් අමාත්‍යාංශය තීරණය කර ඇත. ඒ සදහා අනුමැතිය ඉල්ලා මුදල් අමාත්‍ය මහින්ද රාජපක්ෂ අමාත්‍ය මණ්ඩල සංදේශයක් යොමු කර තිබේ.
ඒ අනුව නඩු කටයුතු අවසන් කළ මෝටර් රථ රාජ්‍ය ආයතනවලට නිදහස් කිරීමට නියමිතය. එලෙස හඳුනාගත් මෝටර් රථවලට අදාළ තීරුබදු ගෙවීම හෝ නිදහස් කිරීම සම්බන්ධයෙන්ද අමාත්‍ය මණ්ඩලයේදී අවසන් තීරණයක් ගැනීමට නියමිතය.
නව මෝටර් රථ මිලදී ගැනීම සඳහා ප්‍රමාණවත් තරම් මුදල් අය වැයෙන් වෙන් කර නොමැත. ශ්‍රී ලංකා රේගු බාරයට ගෙන ඇති මෝටර් රථ හතක් ශ්‍රී ලංකා යුද හමුදාවටද ඉල්ලා ඇති බව රාජ්‍ය ආරක්ෂක අමාත්‍යාංශය සඳහන් කරයි.
(Aruna)