කොහේ ඇවිද්දත් හැමදාම අන්තිමට
නතර වෙන්නේ එතන නුවර ඔව් මහනුවර
කහ ඉර සුදු ඉර මගඇරලා වැවරවුම ගාව
පාර පනින කොට දැනෙනවා අල්ලනවා අත....
" එයා ඔයාට මතක් වෙන්නෙ නැද්ද "
" මතක් වෙන්නේ නැති දවස් ගැන අහන්න "
" ඉතින් එහෙම හිත හිත ඉන්න පුලුවන් ද "
" හිතන්නේ නැතුව ඉන්න බෑ ඒක අමාරුයි ....."
ඔයා මං එක්ක කහ ඉර පනින කොට
ඇයි ඇදලා ගත්තෙ ඔයාගේ තුරුලට
දන්නවද තනියම කහ ඉර පනින වෙලාවට
බලන්නේ ම දකුණු අත අල්ලගෙන ඇති නේද ...
" උඹ ඇබ්බැහි වෙලා මචන් "
" ඔව් ඇබ්බැහි උනාම ඕනේ කෙනා පේනවා "
" ඒකී එපා කියද්දී ඇයි ඉතින් ඔහොම "
" ඒකිට එපා උනාට මට එපා උනේ නෑනේ ......."
ඇත්තටම මට ආදරේ දෙන්න විතරයි ඕනේ ....
නිර්වාණ....