කැමති නැද්ද වෙන මල් ජාතියකට.. ?

ඇයි මේ කාලෙකට සැරයක් පිපෙන, රොබරෝසියම

වෙන කොච්චර මල් ජාති තියෙනවද

හැමදාම හරි ලස්සනට පිපෙන,

කොච්චර නම් සුවඳ හමන,

ඇයි කැමති නැද්ද සේපාලිකා වලට...

ඇය :

හරි මම ප්‍රශ්නයක් අහන්න ද ?

දැන් ඔයා මෙච්චර ඇයි මට කැමති ?

ඇයි වෙන කෙල්ලෙක් හිටියෙම නැද්ද ?

හැමදා වැව රවුමෙ රස්තියදුවෙලා

මාවම ඔයාගෙ කරගන්න හිතුවෙ ?

ඔහු :

ඉතින් මම ආස ඔයාටනෙ, ඒ හිනාවට, කොන්ඩෙට

කතා කරන විලාසෙට....

ඇයි මට හැමදාම අරන් එන කෑම එක

කොච්චර නම් රහයිද.....

ඔයා කොච්චර නම් ආදරේද මට

ඇය :

ඒ වගේ තමයි මමත්, ආසයි රොබරෝසියා  මලට

එච්චරකටම....

ඉතින් ආයෙම ආයෙම ඇහුවත්

මම තාමත් ආසම  රොබරෝසියා වලට....

කොච්චරනම් මතක මේ රොබරොසියා ගස් යට පිරිලා තියෙනවද,

මේ වැව රවුම කොච්චර දේවල් නම්

අහන් ඉන්න ඇතිද, අපි කතාකරපු හැම දේම...

ඇයි, මතක නැද්ද ?

ඔහු :

මට නම් කවදාවත් කතා කරලා දිනන්න වෙන්නෙ නෑ

ඔයත් එක්ක... 

 

(තරිඳු විජයසිංහ)