රෙදි කැබැල්ලක් මත වැතිර
උදේ සිට රෑ වෙනතුරු
යනෙන මහ සෙනගට
අතපාන නුඹ කවුද සීයේ
සීයෙ නුඹ ගැන
මහත් දුකක් තියෙනව මට
නුඹට දෙන්න සුලු මුදලක්
නුඹ ගැන විමසන්න ටිකක්
නැත මට නවතින්න ඉඩක්
යනෙනා විට මා ඔතනින්
නුඹ දකින්නෙ රෝද හතර
තුළ හිදගෙන
වාහන පෝළිමක් දිගට
වේගෙ අඩු කළොත් මොහොතක්
ඉවසිල්ලක් නැති මිනිසුන්
බෙරිහන් දී හඩවනවා නළා හඬක්
ඉතින් කොහොම නවතින්න ද
හිත ට එනව පුංචි දුකක්
ප්‍රශ්න ගොඩක් මට තියෙනවා
නුඹ විමසා දැනගන්නට
නැති ද නුඹට ප්‍රිය අඹුවක්
නැතුව වත්ද දරු මුණුබුරු
ඉන්නවනම් තියයි ද නුඹ පාලම මත
මටම හිතෙනවා විගහට
නුඹ රිසියෙන් ඉන්නවාද
නුඹව ගෙනත් බැස්සුවාද
යාචක මුදළාලි ඔතන
නුඹ දුක්විඳ තර කරන්නෙ මුදළාලිද
නුඹ හොඳට ම දුර්වල බව
පෙනෙනවානෙ බැලු බැල්මට
සැදෑසමයෙ සැනසිල්ලේ
ඉන්න ඕන වයසක මිස
අව්වට වැස්සට පින්නට
ඉන්නම හොඳ නැති වයසක
ඉන්නා නුඹ ගෙන් යැපෙන්න
ලැජ්ජාවක් නැත උන්හට
නුඹ පමණක් නොවේ සීයෙ
අපි හැමෝම පුලන්නො වෙමු එකවිදිහක
නොබෙදෙනවිට ආදායම
සමානවම හැම අතටම
ඇත්තෝ කති බොති යහමින්
නැත්තෝ ඉල්ලති සිගමන්
කුමක්ද මේ අර්ථක්‍රමය
වංචා දූෂණ දුසිරිත්
මේ කිසිවක් නොමැති වුණොත්
අපි හැමෝම සමානවෙමු
කවදාහරි එහෙම රටක
-කාවි.