හීන පස්සෙන් දුවද්දී

උබට මං මට උබව

මගහැරුනාද මගහැරියාද ,

නෑ එහෙම නෙවෙයි වෙන්නැති!

තාම ඉස්සර වගේමයි ඇල , කුරුම්බා ගස් , කුඹුරු යාය .

රැවුල් ගස් ටික ටික මූණෙ මතුවෙද්දී,

පාර වල් වෙනස් උනා අපි යන්න සිදු වෙච්ච

අපි අපිම හික්මුනා කයෙන් වචනෙන් කියා මට හැගෙන

අද වගේ නෙවෙයි ඒ එඩ්ට් නැති අමුම අමු ළමා කාලය

හවස්වරු තිබුනාද උදේවරු ගෙවුනාද කිසිත් අපි නොදැන

අපි අපේ ලෝකයේ ආතල් ම ගත්ත

බිසී නැති ඒ දවස් ,

ආයෙමත් නොදෙන්නම අතීතය අරන් ගිය

සිහිවෙද්දී ඉරිසියයි ආයේ ගන්නට බැරි නිසාම

ගස් ගෙඩි කාපු , මාලු අල්ලපු , සරුංගල් යවපු ක්‍රිකට් ගහපු උබට මං මට උබව ,

දැක්කා බං ඇස් දිලිසුන කදුලු බිදු අස්සේ

අලුත් අවුරුද්ද ට ඇවිත් බංකුවේ උඩ ඉදන්

ප්ලේන්ටිය බොද්දී.

 

-Chanuka Ranasuru Siriwardana