පාසල් ළමුන් ප‍්‍රවාහනය කරන වෑන් රථ රියදුරන්ට සහ තී‍්‍ර රෝද රථ රියදුරටන්ට ද රුපියල් 5,000 දීමනාව ලබාදීමට රජය තීරණය කර තිබෙනවා.
අමාත්‍ය මහින්ද අමරවීර ප‍්‍රකාශ කළේ කොරෝනා වෛරසය හේතුවෙන් නිසි ආදායමක් නොමැතිව පීඩාවට පත්ව සිටින මෙම පාර්ශ්ව සඳහා ද මෙලෙස රුපියල් 5,000 දීමනාව ලබාදීමට රජය තීරණය කර ඇති බවයි.
රුපියල් 5,000 ක මූල්‍ය දීමනාව තමන්ට ද ලබාදෙන ලෙස පාසල් ළමුන් ප‍්‍රවාහනය කරන වෑන් රථ රියදුරන්ගේ සංගම් සහ තී‍්‍ර රෝද රථ රියදුරටන්ගේ සංගම්, රජයෙන් කළ ඉල්ලීමක් අනුව අදාළ මුදල ඔවුන්ට ද ලබාදීමට තීරණය කළ බවයි අමාත්‍යවරයා සඳහන් කළේ.
අදාළ රුපියල් 5,000 මූල්‍ය දීමනාව බස්රථ රියදුරන්ට සහ කොන්දොස්තරවරුන්ට ද ලබාදීමට රජය එකගත්වය පළ කර තිබෙනවා.
කෙසේවෙතත් ඇතැම් පාසල් වෑන් රථ රියදුරන් පසුගිය දින කිහිපයේ දෙමාපියන් වෙත කතා කරමින් අප්‍රේල් මාසයට අදාළ පාසල් වෑන් රථ ගාස්තු ද ඉල්ලා සිටීම් වාර්තා වුණා.
(Neth)