පසුගිය එක්සත් ජාතික පක්ෂ යහපාලන රජය සමයේ හිටපු ඇමැතිවරුන්ගෙන් 14 දෙනකු තමන් භාවිත කළ නිල නිවාසවල තවදුරටත් රැඳී සිටීමට ඉඩ දෙන ලෙසට රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයෙන් ඉල්ලා ඇත.
එම ඉල්ලීම තමන් ප්‍රතික්ෂේප කළ බව ඇමැති ජනක බණ්ඩාර තෙන්නකෝන් ‘අරුණ’ ට ප්‍රකාශ කළේය.
හිටපු ඇමැතිවරුන් ලිඛිතව එම ඉල්ලීම කර ඇති බවත් කිසිසේත් එම ඉල්ලීමට ඉඩ දිය නොහැකි බවත් ඇමැතිවරයා සඳහන් කළේය.
කෙසේ වෙතත් වහාම නිල නිවාස භාරදීමට කටයුතු කරන ලෙසත් එසේ නෙකරන්නේ නම් නීතිමය ක්‍රියාමාර්ග ගන්නා බවත් ඇමැතිවරයා හිටපු ඇමැතිවරුන්ට දැනුම් දී ඇත.
ඒ අනුව මේ වනතෙක් නිල නිවාස භාරදීමට කටයුතු නොකළ ඇමැතිවරු සම්බන්ධයෙන් නීතිමය ක්‍රියාමාර්ග ගැනීමට අවසර ඉල්ලා කථානායක කරු ජයසූරියට ලිපියක්ද යොමු කර තිබේ.
කෙසේ වෙතත් ජනාධිපතිවරණයෙන් පසු නිල නිවාසවලින් ඉවත් වීම සඳහා තෙමසකට වැඩි කාලයක් සියලුම හිටපු ඇමැතිවරුන්ට රජයෙන් ලබාදී තිබිණි.
(Aruna)