කම්කරු දෙපාර්තමේන්තුවේ පරිගණක පද්ධතියේ අත්යවශ්ය නඩත්තු කටයුත්තක් එළැඹෙන 30 සහ 31 යන දෙදින සිදු කිරීමට නියමිත බව කම්කරු දෙපාර්තමේන්තුව නිවේදනය කරයි.
මේ හේතුවෙන් ප්රධාන කාර්යාලය සහ සියලුම කලාප, දිස්ත්රික් සහ උප කම්කරු කාර්යාලවල සේවක අර්ධ සාධක අරමුදල් දත්ත පද්ධතිය හා ඩිජිටල් EPF පද්ධතිය ආශ්රිතව සිදු කෙරෙන මහජන සේවාවන් මෙම දෙදින තුළ ක්රියාත්මක නොවන බව එම දෙපාර්තමේන්තුව සඳහන් කරයි.
ඒ අනුව එම දෙදින තුළ ප්රතිලාභ ගෙවීම් සහ ලියාපදිංචි කිරීම් ඇතුළු මහජන සේවාවන් සිදු නොවන බැවින් එම දිනයන් හී සේවාවන් ලබා ගැනීම සඳහා පෙර වේලාව වෙන් කරගත් සියලු දෙනා හට මාසයක කාලයක් තුළ ඕනෑම කාර්යාල දිනයක අදාළ කම්කරු කාර්යාලය වෙත පැමිණ නියමිත සේවාව ලබා ගැනීමට හැකියාව ඇති බවද කම්කරු දෙපාර්තමේන්තුව වැඩිදුරටත් සඳහන් කර තිබේ.