පුද්ගලයින් ලියාපදිංචි කිරීමේ දෙපාර්තමේන්තුවේ පරිගණක පද්ධතිය යථා තත්ත්වයට පත් කිරීමේ කටයුතු මේ වන විටත් සිදු කරමින් පවතින බවත් අත්යවශ්ය සේවාලාභීන්ට පමණක් හෙට (08) දින සිට එක්දින සේවය මගින් ප්රධාන කාර්යාලය හා පළාත් කාර්යාලවල ජාතික හැඳුනුම්පත් නිකුත් කිරීමට කටයුතු සූදානම් කර ඇති පුද්ගලයින් ලියාපදිංචි කිරීමේ දෙපාර්තමේන්තුව සඳහන් කරයි.
තවද රාජ්ය හා රාජ්ය නොවන ආයතන සඳහා ලබා දෙන ජාතික හැඳුනුම්පත් තොරතුරු සත්යාපනය කිරීම හා ඉංග්රීසි භාෂාවට පරිවර්ථනය කිරීම ඇතුළු අනෙකුත් සියලුම සේවාවන් ක්රියාත්මක නොවන බවත් අදාළ ආයතන ඒ සඳහා වෙනත් විකල්ප ක්රමවේද අනුගමනය කිරීමට කටයුතු කරන ලෙසත් එම දෙපාර්තමේන්තුව අදාළ පාර්ශ්වයන්ගෙන් ඉල්ලීමක් කර ඇත.
ඒ අනුව ප්රධාන කාර්යාලය සහ පළාත් කාර්යාලවල සාමාන්ය සේවය/ පෙරටු කාර්යාලය නැවත දැනුම්දෙන තුරු ක්රියාත්මක නොවන බවත් පද්ධතිය නැවත යථාවත් වූ පසු සියලු සේවාවන් අඛණ්ඩව ක්රියාත්මක කිරීමට නියමිත බවත් එම දෙපාර්තමේන්තුව නිකුත් කළ නිවේදනයේ වැඩිදුරටත් සඳහන් කර තිබේ.