මැදපෙරදිග කලාපය තුළ ඇතිව තිබෙන යුද ගැටුම් මුල්කරගෙන ඇතිවූ ඉන්ධන අර්බුදය කළමනාකරණය කරගනිමින් රටේ අත්යවශ්ය සේවාවන් කාර්යක්ෂමව පවත්වාගෙන යෑම සඳහා රජයේ කාර්යාලවලට ලබාදුන් බදාදා දින නිවාඩුව හෙට (08) සිට අවලංගු කිරීමට තීරණය කළ බව ජනාධිපති කාර්ය මණ්ඩල ප්රධානී සහ අත්යවශ්ය සේවා කොමසාරිස් ජනරාල් ප්රභාත් චන්ද්රකිර්ති මහතා සඳහන් කරයි.
ඒ බව රාජ්ය පරිපාලන, පළාත් සභා සහ පළාත් පාලන අමාත්යාංශ ලේකම්වරයාට ඊයේ (06) දැනුම් දී තිබේ.
එහි පිටපත් අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ ලේකම් වෙතත්, අධිකරණ සේවා කොමිෂන් සභාවේ ලේකම්වරයා වෙතත් යොමුකර ඇති අතර හෙට සිට රජයේ කාර්යාල, පාසල් මෙන්ම අධිකරණ කටයුතුද සුපුරුදු පරිදි පැවැත්වෙනු ඇත.